By Rey Anthony Chiu | 03:26 PM November 08, 2024
Matud sa Bohol Provincial Police Office (BPPO) 3.92 porsyento nga magkunhod o mas dyutay ang natala nga mga krimen nga nahitabo sa Bohol niining tuiga, kon itandi sa susamang panahon sa miaging tuig.
Sa pagka matudo, mikunhod ang kinatibuk-an nga krimen sa Bohol gikan sa Hulyo 1 ngadto sa Septembre 30, 2023 kon itandi sa susama nga higayon sa 2024, taho sa Kampo Dagohoy nga karon ubos na ni Police Senior Superintendent Arnel Banzon.
Ta taho sa BPPOpinaagi ni operations officer Police Major Fernandez, gikan sa 696 ka krimen nga makahulga sa kalinaw ug kahapsay, nakuhaan na kini og 50 ka kaso gikan sa Hulyo ngadto sa Septembre 30, 2024, nga karon anaa na sa 645.
Ang pagkunhod, mikabat sa 7.19 porsyento.
Sa pagtandi sa mga salaud nga may kalambigitan sa pagpatay-ug sa kahimtang sa kalinaw, sa kinaibuk-an nga salaud nga may kalambigitan sa kahapsay ug kalinaw, gikan sa 204 ka kaso, 138 na ka kaso nga napailawom sa kadtong masilotan sa Revised Penal Code.
Apan bisan pa kong mikunhod ang mga kaso, matud ni Police Major Christopher Ras Fernandez, operations chief sa Kampo Dagohoy, kadtong mga salaud nga masilotan sa mga espesyal mga balaod, may 16 ka kaso nga pagsaka, gikan sa 491 ngadto na sa 507.
Sa laing bahin, sa mga krimen nga naghulga sa kaluwasan sa katawhan, gikan sa 962 ka kaso sa miaging tuig, 947 na karon ang krimen nga nahitabo sulod sa 92 ka adlaw.
Ang 15 ka kaso nga pagkunhod, katumbas sa 1.58 porsyento.
Sa duha ka matang sa salaud, nakab-ot s amga crimebusters sa Kampo Dagohoy ug sa kinatibuk-ang pwersa sa kapolisan sa Bohol ang 3.92 porsyento nga pagda-us-os sa kaso sa krimen, base sa mosunod:
Gikan sa Hulyo 1-Sept 30, 2023 nga may 1657 ka kaso, kini napa-kubos ngadto sa 1592 sa 2024, o kinatibuk-an nga 65 ka kaso ang nawala. (RAHC/PIA-7/Bohol)
