By Inocensia Inojales | 10:05 PM September 2024
Nasakpan na ang local guide ug ang langyaw nga usa sa naghugaw hugaw sa mga coral stones sa Estaca Dive Site sa may Virgin Island sa Isla sa Panglao.
Nag-viral karun ang usa ka video nga gipakita sa usa ka babaeng Korean national kauban ang usa ka local guide. Sa maong video nadokumento ang undersea adventure sa maong langyaw apil na ang pagsuwat sa iyang pangalan table coral stone.
Makita sa video nga kalma lang gisuwatan ang coral daw sama sa usa ka blackboard. Dili turista ang nagmarka sa coral didto kundi ang kuyog nga guide.
Mao nagtanyag si Bohol Gov. Aris Aumentado og P200k sa makatug- an sa impormasyon sa local guide ug bangkero.
“Attention mga Sano ug Sana kinsa tong naka ila aning boatman ug guides naay tag P200k nga reward sa informant. Message lang mo diri sa akong page. Contact this number +63 960 607 7503,” Aumentado posted on Facebook.
Nasuta nga ubay-ubay nga mga ngalan ang gisuwat sa mga coral sa mga hulagway nga gipaambit ni Danilo “Don Don” Menorias sa Facebook.
Human sa imbestigasyon nga gihimo sa composite team gikan sa Office of the Menro, Bohol Provincial Environment Management Office (BPEMO) , ug DENR-CENRO, nasuta nga duha ka table corals (Acropora sp.), parehong gibana-bana nga 11 metros ang circumference ug 3.71 ug 2.3 metros ang diyametro, matag usa, giila nga adunay anthropogenic vandalism nga mga sinulat ang gihimo niini).
Niadtong Lunes, girekomendar ni Gobernador Erico Aristotle Aumentado ang temporaryong pagsirado sa dive site sa Virgin Island atol sa tigom sa assessment ug imbestigasyon.
Pero gipasirad-an na ang lugar ni Panglao Mayor Boy Arcay niadtong Lunes, Sept. 2.
Ang vandalism sa mga coral ug ang pagguba sa mga coral reef usa ka paglapas sa environmental laws sa Pilipinas.
