By Rey Anthony Chiu/PIA-Bohol | 11:27 AM August 08, 2024
Usa ka bag-ong mobile clinic ang gasa ni Gob. Erico Aristotle Aumentado, human siya gibalik sa pwesto, duha ka buwan gikan sa iyang pagkasuspenso.
Ug sama sa unang adlaw sa iyang pag-lingkod sa Kapitolyo human manumpa, wala makapanginit ang gilingkoran ni Aumentado human siya gipabalik sa Buhatan sa Ombudsman sa Kapitolyo.
Sa desisyon unta sa Ombudsman nga makabalik dayun sugod Agosto 1, Agosto 2 na sa hapon nadawat sa nasuspenso nga gobernador ang hukon sa Ombudsman nga ipahiluna nag balik sa Kapitolyo, ug kini gituman sa gobernador pinaagi sa pagtambong sa Flag retreat kauban sa mga empleyado nga nagbangutan pa sa pagkamatay sa bise gobernador.
Niadtong Lunes, sa usa ka lakaw, gidawat sa gobernador ang usa ka Mobile Clinic sa Bagong Pilipinas, mobile clinic nga gitagana sa 16 ka mga lalawigan sa Regions VI, VII, ug Region VIII, taho sa gobernador.
Matud sa gobernador, kining Mobile Clinic, dako og ikatabang sa atong direksyon sa Bohol ngadto sa usa ka himsog nga komunidad.
Ang pagtugyan nga nahitabo didto sa Sugbo, dungan sa pagpakighimamat sa mga opisyales sa First Lady sa Republika sa Pilipinas.
Si First Lady Marie Louise Araneta-Marcos didto usab mongtambong sa kasaulogan sa ika-455 nga Founding Anniversary sa Probinsya sa Sugbo, pinanguluhan ni Gobernador Gwendolyn Garcia.
Gipahigayon uban kang First Lady Liza Marcos ang ceremonial turn-over sa mobile clinic didto sa Cebu Provincial Capitol, Cebu City.
Kauban sub ni FL Araneta si Health Secretary Teodoro J. Herbosa, ug Health Undersecretary Glenn Mathew G. Baggao.
Angdelegasyon sa Bohol gipangnahan ni Aumentado kauban si Bise Gobernador Tita Virtudazo Baja ug Dr. Cesar Tomas Lopez sa Provincial Health Office. (PIABohol)
