By Marisol Bo-oc | 07:01 PM June 15, 2024
Duha ka menor de edad ang patay human malumos kini sa Makapiko River, Barangay Rizal, sakop sa Batuan, Bohol.
Gitaho sa Batuan Police Station nga ang insidente nahitabo sa alas 2 sa hapon karung adlaw nga Sabado, Hunyo 15, 2024.
Dali nga nakaresponde ang Batuan Rural Health Unit human nakadawat og report ang Batuan Police Station.
Ang mga biktima pulos laki, 17 ug 15 anyos ang panuigon nga pulos lumolupyo sa Barangay Poblacion Norte, lungsod sa Batuan, Bohol, nangaligo sa Makapiko River kauban ang ilang mga barkada.
Sumala niana, ang duha naligo sa gamay bahin nga falls sa suba, sa kakusog sa sug (current) sa tubig, ang una biktima nga 15 anyos na trapped ug naipit didto sa kahoy or bato ug dali kini gitabang sa 17 anyos pero wala niya nakaya ang kakusog sa sug sa tubig hinugdan nga sila duha nangalumos.
Sumala usab niana, ang ilang mga barkada ug lain mga tawo, naningkamot sa pagluwas sa duha ka biktima apan subo nga palangdungon wala sila molampos tungod sa kakugos sa sug sa tubig.
Dugang pa, ag mga biktima nahaw as ug nakuha pina-agi sa usa ka backhoe nga anaa usab sa maong dapit.
Ang mga biktima gideklara nga dead on arrival ni Municipal Health Officer Dr. Mark Johnuel M Duaves tungog sa pagkalumos.
Ang pagkalumos mahimong mahitabo sa bisan kinsa, bisan unsang orasa nga adunay access sa tubig ky ang pagkalumos mahitabo sa pipila ka segundo lang, busa mg binantayon ug mag-amping kita tanan.
