By Marisol Bo-oc | 09:33 PM June 10, 2024
Nangayo og pasaylo ang lokal nga parokya sa lungsod sa Amlan sa Negros Oriental nga nalambigit sa usa ka kontrobersyal nga kasal nga nag-viral sa social media.
Sa usa ka pamahayag, giangkon sa kura paroko sa Saint Andrew Parish sa Amlan nga si Msgr. Albert Erasmo Bohol nga nadala ang kaparian sa emosyon tungod sa giingong kakulian sa nahimong schedule sa mga Misa niadtong Hunyo 8, 2024.
“We humbly admit the fact that along the way, there were statements made carried away by emotions. Hence, we express our sincere apology to the bride and the groom, to their respective families who were directly offended by the turn of these events, and to the people who have seen our humanity as Priests in a time when we were weakest of any possible control,” sumala pa ni Bohol.
Naghatag sab og katin-awan si Bohol sa kung unsay nahitabo niadtong adlawa.
Sumala pa sa pari, gitakda ang kasal sa viral nga magtiayon alas-8 sa buntag niadtong adlawa. Apan sa gabii sa dili pa ang kasal, giingnan kuno ang bride ug groom sa usa ka sponsor nila nga nasibog ang seremonya ngadto sa alas-9:30.
Wala kuno naingnan daan ang simbahan sa pagkasibog sa oras ug nag-conflict na hinuon kini sa usa ka Misa Requiem nga gitakda og alas-9:30 niadto sab nga buntag.
“On June 8, 2024, instead of arriving for the 8:00 AM wedding Mass, the bride and the groom arrived at around 9:00 AM. Despite the fact that they were late by an hour, still our Assisting Priest celebrated the Mass out of charity to the couple. But he had to hurriedly make some adjustments, by starting when he saw the bride at the Church entrance, and after sending word to the bereaved family waiting outside the Church that there is going to be a delay in the Funeral Mass and to please wait until the wedding is over. On that day, there were ten other schedules to be served by the Priests. That is the truth about what happened from our side,” matud pa sa pamahayag ni Bohol.
Nangayo sab siya og pasaylo sa nagbangotang pamilya kinsa nagpa-Misa Requiem sa maong simbahan.
Giimbestigaran na sab karon sa Diocese of Dumaguete ang maong insidente.
Tungod sa pagka-viral sa naasoy nga kasal, nagtinabangay ang mga negosyante sa Negros Oriental aron mahatagan og “Take 2” ang kasal sa maong magtiayon.
Kini gikatakda karong Hunyo 17, 2024, sumala pa sa violinist nga John Lester Barot kinsa nagpasiugda sa maong inisiyatiba.
Ang bride nga si Janine Suelto-Sagario, usa ka maestra mingsubay sa nahitabo sa iyang kasal niadtong Hunyo 8.
“Maayong kadlawon everyone! Big day/special day jud dapat namo ning adlawa sako partner because wedding namo. Pero ang dapat moment namo kay naguba, perting gubaa! June 08 2024 at exactly 8:00am ang amoa nga wedding but at the last minute June 07 2024, 11:00pm one of our ninangs nga gaserve sa church kay niari sa balay to informed us nga gitugon sya sa taga convent nga na reschedule ang time sa among wedding, from 8:00am down to 9:30am. So kami dali² sad ug inform sa among both sides and sa apil sa amo wedding entourage, nalipay pa mi kay di kaayo mi mag apas sa time, ” suma ni Sagario.
” Kagahapon quarter to 9:00am mi naabot sa church, gabutang jud mig allowance para naa pa mi time nga maka tayada ug tarong! Pero ang nahitabo gisugat mig kasaba sa staff sa simbahan kay 1 hour late na daw mi, dili daw himuong ordinaryo ang simbahan! Ilaha tanang baba sa pagkasaba and yawyaw wala sila gahatag namo ug chance to explain our side! Naa pa kos baba/entrance sa simbahan gisugdan na ang mass wa man lang paabota nga makaabot kos altar and to think hapit pa ko maslide sa pag dali² knowing nga buntis ko and hapit na manganakay! Grabe kasakit sa dughan, dissapointment, and kaulaw among nafeel kay sa pag abot sa altar nakadawat napud kasaba sa pari! Giingnan pa ko nga abi nila ug nanganak nako maong wa mi katungha sa saktong oras!
“Sa kadaghang negative feedback nga akong nadungog about sa atong parokya wa ko gapadala, mas gipili nako/namo nga diri makasal nga church tungod kay taga diri ko! Tungod kay proud ko sa atong parokya pero mao ra sad diay muunay ug guba sa akong pinaka special nga moment sa akong kinabuhi! Nabastos kog maayo, wala man lay respeto nga gapaso pa ko gasugod na intawun sila! Makita ninyo sa video nga akong giattach kung unsa kanindot magpakasal diring dapita! 💔
“Gipost ni nako dili para magpasikat pero para magpagawas sa akong gibating kaguol ug kasakit! Perting hilak sa akong groom paghuman sa wedding kay nasakitan sya gaguol pud siya kay kinsa gud laman ang malipay diba?! Sorry kung maoffend man mo ani no pero mas grabe ang inyong gibuhat sa amoa sa tinuod lang!!!”
