By Ric Obedencio | 11:31 PM May 07, 2024
Sila si 2nd district Congresswoman Vanvan C. Aumentado ug 3rd district Congresswoman Alexie B. Tutor sa Bohol mipasakop na sa Lakas-Christian Muslim Democratic (Lakas- CMD) party, nga karon gipangulohan ni House Speaker Martin Romualdez.
“So happy nga finally kauban nami sa Lakas nga Partido ni Cong Alexie. Mas mosamot pami ug tambayayong aron mapalapdan ang among serbisyo dili lang para sa Segundo ug Tersero kundi kinatibuk-an sa Bohol,” matud ni Aumentado sa iyang message ning tagsulat.
Gipangunayan ni House Speaker sa pagpanumpa ni Tutor uban sa mga kongresista ug ni Aumentado.
“Finally.. for the betterment of our district & of our people in the 3rd District of Bohol. Today, I took the oath of office under LAKAS-CMD. This is for you all, our beloved constituents. I have faith that there will be more development, progress & social services be felt more than ever by our people under this banner party. As we now belong in the same political party with Cong. Van-van Cadorna Aumentado of the 2nd district, our bond in our partnership in serving the Boholano People have strengthened,” matud ni Tutor sa iyang Facebook post.
Si Tutor usa kanhi sinaligang sakop sa Nacionalista Party ni senador Cynthia Villar ug sa iyang kapikas kanhi senador Manny Villar.
Kon kahinunduman, traditional sa Bohol nga mokabig sa administration party sukad pa sa unang mga kalihokan sa politika, matud sa kasaligang tigpaniid.
Ang Lakas-CMD gipanglohan kanhi ni Bise-President ug DepEd secretary Sara Duterte, apan, kini mi-hawa sa maong parrtido tungod sa gitaho’ng panagbangi sa prinsipyo. (ricobedencio@yahoo.com)
