By Ric Obedencio | 07:42 PM February 01, 2024
Ang mga hinungdan nganong na-expired ang mga tambal nikabat sa P1.8 milyon alang sa gamit sa provincial government-owned-and managed hospitals’ nahibal-an.
Kini nasuta sa health committee pinangulohan ni provincial Board Member (BM) Dr. Romulo G. Cepedoza, uban ni BMs Dr. Elidio Bonita ug Gloria B. Gementiza atoll sa committee hearing nga nag-imbestigar sa naasoyng expiration sa tambal ng ana-report sa Commission on Audit (COA).
Ang mga hinungdan mao ang mosunod: “pandemic due to COVID-19, less patient, admitted and less patient check ups,” matud sa listahan sa expired medicines sa usa ka hospital.
Ang langan nga pag-deliver sa mga tambal usa sa mga hinungdan hangtud maabtan sa “expiry date.”
Matud ni Cepedoza sa iyang privilege speech sa niaging semana nga usa ka pag-usik-usik sa pundo sa gobiyerno ang mga na-expired nga mga tambal.
Siya nagtuo nga kining pagusik-usik sa pundo kinahanglang imbestigahan aron mahibal-an ang kamatuoran.
Si Presiding officer Bise-Gob. Victor Balite mi-aproba sa maong imbestigasyon nga gipangunahan ni Cepedoza.
Ang pagpalit sa mga tambal nga binulto niadtong 2022, nikabat sa total nga P1,845,124.52.
Ang Garcia Memorial Provincial Hospital (GMPH) sa Talibon dunnay expired medicines nga nikabat sa P6,540.23; Cong. Teodoro B. Galagar District Hospital (TBGDH) sa Jagna, P P985,195.93; Cong. Simeon Toribio Memorial Hospital (CSGTMH), Carmen, P P400,155.19; ug Catigbian District Hospitals (CDH), Catigbian town, P453,233.17.
Si Gov. Aris Aumentado nagmando usab sa mga hospital chiefs sa pag-explain (in writing) nganong kining mga tambal na-expired man, matud ni Provincial Board Member Atty. Tomas D. Abapo, Jr.
Ang mga doctor o hepe ug pharmacists sa mga nahistogang mga hospitals mitambong sa maong committee hearing. (ricobedencio@yahoo.com)
