By PR | 06:26 PM January 08, 2024
Ipahigayun ogma, Enero 9, 2024 ang ground breaking sa kinaunhang Puregold sa Bohol didto sa lungsod sa Ubay.
Ang Ubay branch mao ang kinaunhang branch ug usa lamang kini sa 8 ka branches nga tukuron sa Puregold Price Gold, Inc, ang nabantog nga
chain of supermarkets sa Pilipinas.
Ang ground breaking pagatambungan nila ni Bohol Gov. Aris Aumentado, Vice Gov. Victor Balite, Rep. Vanessa Cadorna- Aumentado, Ubay Mayor Costan Reyes, Vice Mayor Victor Bonghanoy ug mga sakup sa Sangguniang Bayan, Puregold Rep. Tina Ibarreintos, ug 4E Builders.
Matud ni Gob. Aris, ang pagsulod sa Puregold makatabang kini sa ekonomiya sa probinsya. Daghan usab ang makasulod og trabaho.
Niadtong Agosto 17, 2023, gihimo ang contract signing nga mo-invest ang Puregold Price Inc. sa Bohol.
Ang Puregold nag-operate og 507 ka tindahan sa nagkalain-laing lokasyon sa Pilipinas lakip sa 452 ka tindahan ug 22 ka tindahan sa S&R, ug uban.
Nagtabang usab ang Puregold sa mga SMEs sama sa sari-sari stores pinaagi sa ilang Tindahan ni Aling Puring Negosyo.
