By Ric Obedencio | 08:55 PM December 01, 2023
Dili “world tour” ang biyahe ni Bise-Gob. Victor A. Balite ngadto sa nasud sa Japan, apan, usa usa kini ka pagtuon alang sa mga bise-gobernador.
Mipahayag si Bise-Gob. Balite niini aron sa pagsumpo’ sa mga tumo-tumo nga gipakatap sa Bohol TV ug Bohol Monitor sa social media.
And duruha (Bohol TV ug Bohol monitor) dili angayan tuohan kay kini mga “trolls” ug mga peke nga mga account sa facebook aron mangdaot sa ilang kontra.
Ang biyahe ni Balite nadto sa Japan, wa’y gasto sa lalawigan sa Bohol, gawas lang sa pamasahe sa eroplano gikan sa Tagbilaran ngadto sa Manila.
Matud sa bise-gobernador nga usa ang Bohol nga napili-an ni Senador Migs Zubiri nga gidapit sa pagsalmot sa LVGP International Study Visit to Japan mahitungod sa “Public Policy Towards Localization of SDGs and Socio-Economic Recovery for Local Governments.”
Ang LVGP mao ang League of Vice-Governors of the Philippines.
Ang maong pagtuon nagsugod sa Nobyembre 27 ug mahuman sa Disembre 1, 2023 sa Tokyo, Japan, matud sa sulat LVGP ngadto sa mga bise-gobernador.
Ang katuyoan sa naasoyng pagtuon sa mga 37 ka mga dinapit nga bise-gobernador sa Pilipinas “is to establish a platform to produce well-trained local legislators and leaders exposed to both local and global trends and issues.”
Naghinaot si Bise-Gob. Balite nga maundang na ni ang pagbutang-butang sa dili tinuod nga balita ug dili unta mahilo-an ang mga huna-huna sa katawhan. (PR/rvo)
