By Rey Anthony Chiu | 06:54 PM October 23, 2023
Alang sa Investment Program sa kagamhanang Probinsyal sa Bohol sa 2023, gipaglantawan sa Sangguniang Panlalawigan nga ipasa ang P100,924,325.00 isip supplemental budget , subay usab sa Executive Committee resolusyon nga gipagawas sa Provincial Development Council (PDC).
Kahinumduman nga ang PDC, pinaagi sa Execom Resolution 68-2023 ngadto sa SP, nagsugyot sa supplemental budget sa una na nga napalabang nga Provincial Investment program sa 2023.
Sa pagtuki sa SP Committee of the Whole, nasayran nga ang gipangayo nga supplemental budget, alang usab sa mga programa, proyekto ug kalihukan nga makatabang sa pag-ugmad sa Bohol ug sa iyang pagpalihok sa ekonomiya nga ang katawhan malukop sa benepisyo niini.
Pananglitan, nakita sa SP, pinagulohan ni Bise Gob Dionisio Victor Balite nga subay sa ekonomikanhong pag-ugmad, magkinahanglan na og asphalt overlay ang Tawala Road sa Panglao, ug niini, P2.5M nga capital outlay ang kinahanglanon.
May kinahangpan usab nga buksan nga farm to Market Road nga mopasayun sa pagtumod sa mga produkto sa mga umahan sa Corazon San Miguel ngadto sa Ubay subay sa Casate, nga magkinahanglan og P50M.
Sa ekonomikanhong pag-ugmad gihapon, buot sa Kapitolyo nga ipahiuli ug ayohon ang Rice Processing Center sa Pilar, aron makatabang kini sa pagseguro sa paggaling sa humay nga menos ang usik ug pagpalig-on sa seguridad sa pagkaon.
Kini manginahanglao og P5M.
Ug alang sa pagpangandam nga ang mga mag-uuma makabawi pa gihapon kon ang ilang mga gitanum karong season mangadaut sa El Nino, nanginahanglan og P30M aron mapalista ug makaapil ang mga mag-uuma sa insurance sa humay, mais ug mga lagutmon sa Philippine Crops Insurance Corporation.
Sa natad sa social development, nagkinahanglan gihapon ang Bohol sa dugang pundo alang sa medical ug laboratory supplies sa Clarin Community Hospital, nga moabut sa P1.4 M.
Sa negosyo sa Capitolyo, nagkinahangaln usab og P1.7M alang sa padayun nga serbisyo ug pagpadagan sa Café Caloy.
Sa natad sa General Services, magpatukod ang Capitoyo og buatan nga mamahimong center sa Gender and Development nga manginahanglan og P174,325.00.
Gawas pa, ipadayon na usab ang Mezzanine sa Provincial library nga magsilbe nga phase 3 niini diin manginahanglan og P 1.2 million alang niini.
Mamamit usab ang Provincial Treasurer’s Office sa mga accountable forms nga mokabat sa P1.2 million samtang ang pagpa-ayo, pagpahiuli ug retrofit sa Capitol Annex gipahatan na og P 6.4 million.
Ang mamahandi sa lalawigan ninghatag na usab sa possible nga gigikanan sap undo kon magdugang man ugaling og pahat.
Sa kinatibuk-ang 100,924,325.00, ang Komitiba sa Kinatibuk-an, nasayud nga ang nga gisugyot nga pundo nag-lakip sa natigum gikan sa sweldohonon, wala mapahat nga sobra sa miaging tuig, ug pundo nga gikan sa gawas sama sa Government Support Fund, ug nga kini nahasubay sa haum nga mga regulasyon alang sa kagamhanan.
Niini, ming rekomendar ang Komitiba nga pormal nga moduso og resolusyon ngadto sa SP sa pagpasupot sa Ordinansa nga magsuportar sa supplemental budget alang sa Investment Program sa Kapitolyo. (rahc/PIA_7/Bohol)
