By PIA-Bohol | 01:46 PM October 20, 2023
Duha ka dagkong proyekto dinhi sa Bohol ang gitanyag sa Department of Tourism (DOT) Tourism Infrastructure and Enterprise Zone Authority (TIEZA) ngadto sa mga dagkong mamumuhunan nga atbangan usa sa kagamhanan sa ilang income tax holidays ug mga incentives.
Matud ni Atty Janeth Christine Ocampo, manager sa Business Development Department sa TIEZA nga ang Bohol lakip sa lima ka lugar nga natumbok sa DOT nga tukoran og Flagship Tourism Estate Zone (FTEZ).
Atul sa TIEZA Investment Incentive and Opportunities for Tourism Enterprises Road Show didto sa SouthPalms, sa Panglao Oktubre 18, gipasabut ni Atty Ocampo, nga ang FTEZ, is aka tinabangay nga inisyatiba sa DOT, TIEZA aron makaugmad og nga Tourism Enterprise Zones sa nasud.
Dinhi, ipatuman ang masterpans subay sa lagda sa DOT, TIEZA ug sa LGU, butangan sa TIEZA og batakan nga mga imprastraktura nga suporta ug buboan og fiscal ug non fiscal nga incentives.
Sa Bohol, nga gitamud na nga Eco-tourism capital of the Philippines, ipabarug sa TIEZA ang Panglao Bay Premiere FTEZ nga maglakip sa P6M nga Commercial ug Retail Mall, P57M nga Resort 1, P17M nga Condominium Hotel, P11.4M nga Resort 2, P20M nga Condominium Hotel 2, P13 M nga beach club ug P26M nga Retirement Village.
Gawas pa niini, gastohan usab sa DOT TIEZA ang pagtubag sa panginahanglan sa Bulk Water Supply, aron may makadugang pa og aghat sa mga negosyante nga motukod dinhi, kinahanglan kaayo ang tubig, padayag no Gob Erico Aristotle Aumentado didto sa Roadshow.
Gawas sa Bohol, lakip sa mga FTEZ sa TIEZA mao ang Mount Samat sa Bataan, Corrigidor Island sa Cavite, Rizal Park sa Manila ug sa San Vicente sa Palawan.
Gawas sa Panglao Bay FTEZ, gipakayab usab sa TIEZA ang pagpaugmad sa Balicasag Island nga iya na sa TIEZA pinaagi sa Philippine Tourism Authority kaniadto.
Gawas sa napundohan na nga mga built-up areas sa Balicasag Island, nangita pa ang TIEZA ug mga mamumuhunan nga makatukod og nga negosyo ug impreatraktura nga makapaanindot pa sa isla nga resort sa Balicasag. (PIABOHOL)
