By PR | 09:08 PM October 04, 2023
Mingbisita sa buhatan sa Department of Labor and Employment (DOLE) si Gobernador Aris Aumentado aron pagsubay sa mga programa ug proyekto sa lalawigan sa Bohol.
Ang gobernador miduaw sa buhatan ni Kalihim Bienvenido Laguesma sa DOLE niadtong Oktubre 4.
Personal nga gikahinabi ni Aumentado ang chief of staff ni Laguesma nga si Hero Hernandez bahin sa request niini nga P150 milyones nga pondo alang sa Tulong Panghanapbuhay sa Ating Disadvantaged/Displaced Workers, Government Internship Program, ug uban pang mga livelihood programs sa DOLE.
“Gi-follow up nato ang hangyo nga P150 milyon isip pondo sa TUPAD, Government Internship Program (GIP), ug livelihood programs alang sa Probinsya sa Bohol,” matud pa ni Aumentado.
Si Aumentado positibo nga mapahimuslan sa katawhang Bol-anon ang maong mga proyekto nga makugihon niini nga gisubay didto sa DOLE Central Office, Manila. (PIMO/ALT)
