By Ric Obedencio | 10:25 PM March 28, 2023
“Boholana ka, kamao ka makig-kumbati sa tanan butang ug bisan unsang orasa.”
Mao kini ang awhag ug madasigong panawagan ni Congresswoman Alexie B. Tutor sa iyang pakigpulong sa ‘Women;s culmination program sa Bohol ganinang buntag (Marso 28, 2023) nga gilusad sa Bohol Cultural Center.
Matud ni Tutor nga di gyud mosipyat siya sa pagtambong matag hinapos na sa kasaulogan sa Women’s month (Marso) “kay panahon ni sa pagpahinumdum sa atong mga Sana nga empowered ‘ta. Ang babaye isog ug di gyud magpa daug-daog.”
Matud niya sa giamoma ang kaugalingon ug pagkatwao sa mga babaye. Kon kita tan-awong maanyag, mobati nga matahum usab nagpakita nga kita masaligon sa atong kaugalingon.
(We take care of ourselves not for the reason of any person but for ourselves. When we look beautiful, we feel beautiful too & we exude confidence boosting our self-esteem.)
Ang babaye daghan og papel — inahan, asawa, — nga mohiusa sa banay tungod kay ang babaye lang ang tinuod nga nasayud sa gugma diha sa sakripisyo.
(It is always the WOMAN/mother/wife who solidify family. Because it is only her who truly knows the bounds of sacrificial love).
Uban sa kasaulogan ug sa pagtak-op sa women’s month mao sila si provincial Board Member Gloria Gementiza, Provincial administrator Aster Caberte, mga lider sa kababayen-an ug mga sakop niini.
Ang orig nga kasaysayan sa women’s day mao ang Women;s Day Observance, gitawag nga “Women’s Day” niadtong Pebrero 28, 1909 sa New York city. Kini gi-organiza sa Socialist Party of America ubos sa sugyot ni aktibista Therese Malkiel, matud sa Wikipedia.
Ang International Women’s Day (IWD) usa ka kalibotanong holiday nga saulogon matag Marso 8.
Kini aron sa pagtuki sa mga isyu nga may dakong kalabotan ang mga babaye: Naglakip sa katungod sa kababayen-an, gender inequality, pagpanastamas ug pag-abuso sa mga babaye ug uban pa.
