By Ric Obedencio | 12:35 PM February 03, 2023
Si Bise-Gobernador Dionisio Victor A. Balite mihatag sa patas nga panahon sa debate sa matag panig kalabot sap ag-otro sa sakop sa komitiba sa Sangguniang Panlalawigan (SP).
Kini giklaro ni Boni Quirog, kalihim sa SP, atol sa interview niya sa Taknaan sa Katawhan, usa ka SP radio program sa dyTR, nga gipangunahan ni Dave Charles Responte.
Si Board Member Nathaniel Binlod nag-motion nga updon ang ubang kasakopan sa mga komitiba, apan, ang oposisyon misupak. Kini miresulta sa botasyon sa pag-upod sa mga komitiba ug milugwa nga daog ang majority. Walo ang nipabor ug lima lang ang supak.
Uban kang Binlod sa pagpabor mao sila si BMs Atty. Tomas Abapo, Jr., Atty. Jisselle Villamor, Tita Baja, Greg Jala, Lucile Lagunay, Philippine Councilor’s League (PCL) Bohol chapter president Gloria Gementiza in favor, matud sa kasaligang tinubdan sa SP.
Sila si Arcamo, BMs Aldner Damalerio, Vierna Mae Boniel-Maglasang, Dr. Elpidio Bonita and Sangguniang Kabataan (SK) federation president Victor Bolos miboto sa negatibo.
Ang mayoriya mipuli kang Baja isip floor leader ug karon gihuptan na ni Abapo.
Si Jala gisalisdan ni Bolos isip vice-chair of the NGO/CSO committee, samtang, si Bonita nagpabilin nga chairman ug Lagunay, member.
Si Villamor gipulihan Gementiza isip vice-chairperson sa personnel committee ug si Gementiza gipulihan ni Jala isip sakop ug si Bonita gipabiling chairman.
Si Villamor gisalisdan ni Baja isip member sa Ways and Means committee.
Ang gisakpan sa ubang mga komitiba nagpabilin. (rvo)