By Rey Anthony Chiu | 10:51 PM November 12, 2022
Nabati pa gihapon sa labing daku nga tambalanan nga gitagana alang sap ag-atiman sa mga pasyente nga natakdan sa coronavirus disease ang epekto sa pagdumili sa mga tawo sa pagpatupok sa bakuna.
Kinit ungod kay napakita nga sa Gov. Celestino Gallares Memorial Hospital sa Tagbilaran, okupado na ang lugar alang sa Covid-Intensive Care Unit (Covid-ICU), wala nay katre sa Covid Ward, puno na usab ang Covid Isolation Rooms.
Kini bisan pa nga nikanaug na ngadto sa 84 ang aktibong Covid-19 sa tibuok Bohol sa usa ka adlaw Nobyembre 8, 2022.
Gani, bisan sa ordinaryong ICU sa nahisgutang tambalanan, puno na usab, lakip na kadtong mga katre nga gitagana na alang sa mga sakit nga dili kinahanglan og dupot nga pag-atiman o ICU.
Sa laing bahin, sa Catigbian District Hospital, us ana lamang sa walo niini ka katre nga gitagana alang sa Covid Isolation ang bakante samtang puno ang 14 ka katre nga gitagana alang sa pasyente sa Covid nga dili tandugon ang kahimtang.
Okupado usab ang lima ka katre alang sa Covid Isolation sa Candijay Community Hospital samtang puno usab ang lima ka katre nga gitagana sa tambalanan alang sa Covid nga wala manginahanglan og espesyal nga pag-atiman.
Sa mga tambalanan nga pangpubliko nga mao gayud ang gipili sa mga katawhan tungod sa mahal nga balayranan kon adto sa mga pribado nga hospital, apektado pa gihapon, bisan kon gilibkas na gani ang estrikto nga sumbanana sa face mask ug sa pagpanghunaw.
Dala usab niini, gitahasan pa gihapon ang matag usa nga magpabilin nga magtaud sa mask kon naa sa publikong lugar, alang sa kaugalingon nga proteksyon.
Kini sanglit may duha ka tuyo ang face mask: proteksyon sa nagsuot niini aron dili matakdan sa sakit ug proteksyon sa mga tawo nga ikaatubang.
Gawas sa pagseguro sa kaugalingopn nga proteksyon, wala pa gihapoy makatupong sa pagpabakuna alang sa mas kasaligan nga proteksyon sag rabe nga Covid-19 ug sa pagkamatay, segun pa sa mga eksperto. (RAHC/PIA-7/Bohol)