By Rey Anthony Chiu | 11:40 AM August 23, 2022
Masibog ngadto sa Agosto 31, ang Theoritical Driving Course (TDC) nga gitagana alang sa Bien Unido sa Technical Education and Skills Development Authority (TESDA).
Kahinumduman nga ang Community Technical Eduation Center Coordinator sa Bien Unido pinaagi ni Manuelito Item, nakapagawas na sa unang pahibalo sa bansay nganhimoon unta sa Septembre 1.
Ang bansay sa TDC nga gitanyag sa TESDA Inabanga Provincial Traning Center, usa ka mahinungdanon nga panginahanglan alang sa pa pagkuha sa Student Permit (SP).
Ang SP maoy dokumento nga gikinahanglan sa Land Transportation Office aron makahatag na sa lisensya sa sa pagmaneho sa motorsiklo, gaan nga 4 wheel nga sakyanan, bug at nga 4-wheel nga sakyanan, pagmaneho sa automatic nga sakyanan ug mga sakyanan nga may giguyod (reticulated vehicle) sama sa prime mover ug trailer para makalisensya sa propesyonal ug sub professional.
Ang TDC usa ka Community Based Training Program alang sa PTC Inabanga aron paghatag og serbisyo labi na sa nagkadaghan nga tigmaneho sa sakyanan nga wala pay kalibutan sa mga balaod sa trapiko ug panakyanan sa pangpubliko nga kadalanan.
Ang pagmaneho nga walay lisensya maoy labing dako nga rason sa mga aksidente sa kadalanan dala sa kakuwang sa kasayuran sa mga balaod ug luwas nga pagmaneho.
Apan, sa hangyo sa PTC Inabanga, tungod sa kakulian sa schedule sa tigbansay, nasibug angbtraining.
Bisan pa, sa Sept 1 nga bansay, adto pa gihapon kini sa Municipal Gymnasium sugod sa Alas 8:00 sa buntag, matud pa ni CTEC coordinator Item.
“Mapasalamaton kita sa Bohol Tesda PTC Inabanga, ni Mayor Rene Borenaga, Vice Mayor Ods ug mga sakop sa sanggunian, sa pagpakigalayon aron mahidangat dinhi ang TDC, daghan na nga makakuhag libre nga pagbansay sa pagmaneho, basig kini lang, mamenosan nato ang mga tigmaneho nga walay kasayuran,” matud ni Item.
Alang sa dugang impormasyon kabahin sa maong kalihokan, pakisayud sa buhatan sa atong TESDA Community Training and Employment Coordinator (CTEC) o tawag-pangutana sa numero nga 0921-318-9097 or bisitaha ang opisina nga nahimotang sa ibabawng bahin sa Municipal Engineering Office. (RAHC/PIA-7/Bohol)
