By Rey Anthony Chiu | 11:45 AM August 23, 2023
Mingkabat na sa P333 mil ang natunol sa kagamhanan pinaagi sa Department of Social Welfare and Development (DSWD) isip educational assistance ngadto sa mga Bol-anong tinun-an, hangtud alas 9:00 sa gabii, Agosto 20.
Matud pa sa DSWD pinaagi ni Regonal Information Officer Leah Tagalo Quintana, kini naglangkob sa kinatibuk an nga 172 ka tinun-an nga midawat sa Assistance to Individuals in Crisis Situations (AICS) pinaagi sa educational assistance.
Sa Bohol, sa kinatibuk an nga 172, ang 77 niini anaa pas elementarya ug midawat sa tag P1 libo, samtang laing 43 ang anaa pa sa high school ug midawat og tag P2 mil.
38 usab ka Bol-anong anaa sa Senior High School ang midawat og tag P3 mil ug laing 14and anaa sa kolehiyo ug mikuhag vocational classes ang midawat of tag P4mil.
Sa tibiok Cenral Visayas, 4,511 na ka tinun an ang nahatagan og hinabang alang sa pagmapalit sa gamit sa eskwela, pangmatrikula, tampohon, pang uniporme ug allowances.
Mikaat na sa 1,688 ka tunun an sa elementarya, 1,230 sa High School, 741 sa Senior High School ug 852 sa kolehiyo ug bansay vocational.
Kinatibuk an nanusab nga 1,239,000 ang napang apud-apod sa ahensya sa hinabang, sumpay sa DSWD.
Kahinumduman nga misaad ang DSWD nga mohatag og tabang alang sa pag eskwela sa mga bata ug hamtong nga labawng nanginahanglan niini panahun sa kalisud.
Ang mahimong modawat mao kadtong mga maoy gisaligan sa pamilya, mga anak sa Overseas Filipino Workers, anak sa PWDs, solo parents, biktima sa HiV, ug biktima sa abuso pisikal ug biktima sa katalagman. (Rahc/pia7/Bohol)
