By Rey Anthony Chiu | 08:40 AM June 08, 2022

Gikahimuot sa National Task Force Against COVID-19 (NTF) ang pagsaka sa ranking sa Pilipinas sa labing bag-o nga Nikkei Asia COVID-19 Recovery Index. 

Na-apsan na sa Pilipinas ang Italy nga anaa sa ika 34, ang Switzerland nga anaa sa 38, ang Israel nga anaa sa 44, ang Japan nga anaa sa ika 53, ang United Kingdom nga anaa sa ika 58, ang Canada nga ila 60 na, ang Australia nga ika 71 ang New Zealand nga naa sa ila 75, ang Singapore nga anaa sa ika 79, ang Amerika nga naa sa ika 89, apil ang China nga naa sa  ika 93 ug ang Russia nga anaa sa ika 111. 

Ang Pilipinas karon anaa na sa ila 33 sa 121 ka mga nasud, kon hisgutan ang pagdumala sa impeksyon sa Coronavirus disease (Covid-19), sa pamakuna ug sa pagpalihok sa katawhan batok sa nahisgutang sakit. 

Kahinumduman nga ang nasus, nanumotumoy sa susamang listahan niadtong Septembre 2021. Kanus-a ansinati sa nasud ang labing tag-as nga kaso sa impeksyon. 

Matud ni NTF Chairman ug vaccine czar Secretary Carlito Galvez Jr., ang kasamtangan nga posisyon sa Pilipinas sa taho sa Nikkei Asia’s Recovery Index alang sa May 2022, timailhan ang nakapahiluna na og sukaranan ug nakakaplag na og iyang dalan paingon sa pagpahiuli gikan sa pagkapup-og sa pandemya. 

Ang Pilipinas lang u gang Vietnam ang duh aka nasud sa Asya ang mitala og positibo nga performance batok sa Covid sa buwan sa Mayo. 

Matud pa sa Nikkei Recovery Index, 40 ka pwesto ang giambakan sa Pilipinasdala sa kubos sa 200 ka kaso sa Covid matag adlaw nga natala ug wala nay namatay sa nahisgutang sakit sa milapay nga mga semana. 

Sa susamang taho sa Nikkei Tecovery Index, gidayeg usab ang nasud sa pagpawala na sa pagpugong sa pagsulod sa mga bakunado nga turista gikans a gawas sa nasud sukad pa sa Pebrero u gang pagpapas na sa RT PCR nga rekisitos alang sa mga langyaw nga may booster shots na. 

Kini karon maoy gitumbok nga hinungdan nga ming-asdang ang mga turista sa nasud sulod sa milabayng pipila ka buwan. 

Ug alang kang Sec Galvez, kining tanan tungod sa agresibong paningkamot sa kagamhanan sa pagpabarug sa “Immunity Wall” sa nasud pinaagi sa nasudnong programa sa pagpamakuna. 

Matud pa ni Galvez, sakto lang ang programa sa pamakuna, kini maoy timailhan nga ang National Action Plan nahasubay gayud sa Prevention-Detection-Isolation-Treament-Reintegration-Vaccination (PDITRV) Strategy. 

Gitumbok usab sa opisyal ang polisiya sa nasud nga gibase na siyensya ug ang desisyon nga nakasandig sa saktong kasayuran. 

Niini, nagpasalamat ang NTF sa kalampusan sa halapad nga pag-apil sa katawhan sa programa ug  ang way puas nga serbisyo sa mga frontliners ug boluntaryo nga naningkamot nga abton ang tanang Pinoy sa bakuna.

Subay usab niini, padayon nga giaghat sa NTF sa pagpadayon sa pagsul-ob sa face masks, pagpanghunaw, likay sa tapoktapok ug pagpabakuna sa mga wala pay panalipod sa sakit. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.