By Rey Anthony Chiu | 07:53 PM February 21, 2022

Dili pa gihapon angay kompyansahan bisan pa kon nagkaubos na ang kaso sa coronavirus disease dinhi.

Gikan sa 1,125 ka kaso sa kompirmado nga Covid-19 niadtong Enero 31, anaa na sa 199 karong adlawa, o 22 ka adlaw ang nakalabay.

Makita na usab sa talaan ang hinay nga pagkubos sa mga aktibong kaso sama sa 1125 (Enero 31), 917 (Feb 2), 802 (Feb 4), 652 (Feb 7), 625 (Feb 8), 514 (Feb 14), , 334 (Feb 16), 275 (Feb 18) ug 199 (Feb 21).

Apan sa nagkunhod nga aktibong kaso sa Covid, padayon pa gihapon ang hulga niini sa paghunos sa kinabuhi sa mga matakdan niini.

Gikan sa 596 ka mga nabiktima sa Covid sa Enero 31, napun an pa gihapon kini og 58 ka mga kinabuhi nga dili na gani unta angay pa nga makalas.

Kini nagpasabut nga sa buwan sa Febrero lamang, sobra pa gihapon sa duha ka kinabuhi ang makutlo tungod sa mananakod nga Covid.

Hinuon, diha nay higayon nga ang sakit, mikutlo sa unom ka kinabuhi matag adlaw niadtong Septembre sa imaging tuig.

Apan karon nga napamatud-an na nga ang Covid, talagsaon ra kayo nga makamatay sa mga bakunado, nagpabilin pang daghan ang nangamatay.

Anaa pa gihapon sa 2.63 ka Bol-anon ang mamatay sa Covid bisan pa man sa gihingusgang kampanya sa pagpabakuna.

Gani, mas gikahadlokna pa tungod kay sa nagsingabut nga piniliay, gipalubad na sa Commission on Elections ang paglu-ag na sa health protocols ilabi na sa pagpangampanya o in-person campaign.

Kini hinuon nga hunahuna sa COMELEC gisupak na ni Secretary Francisco Duque.

Gani, sa mga taho, gipahinumduman ni Sec Duque ang mga campaign organizers nga did-an ang mga supporters sa mga kandidato sa paghugoyhogoy, kay ania pa ang hulga sa Covid.

Tumanon pa gihapon ang Social ug Physical Distancing ug saktong pagsul-ob sa face masks, pahinumdom nila.

Subay sa guidelines sa Comelec, gitugot na ang in-person campaigning apan wala itugot sa mga kandidato nga mosaka sa mga balau, makighagwa ug manggakos sa katawhan samtang gipalikay usab sa paglamano ug pagpahulagway sa selfie nga paagi. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.

%d bloggers like this: