By Rey Anthony Chiu | 02:18 PM October 18, 2021

Mikunhod ag ihap sa mga nanga-matay sa coronavirus disease dinhi sa Bohol sa us aka buwan, ngadto nasa 29%, base sa taho sa Bohol Inter Agency Task Force (BIATF) on the Management of Emerging Infectious Diseases.

Segun sa BIATF Bohol Daily COVID tracker, ang mga namatay sa Covid-19 niadtong Septembre 14 ngadto sa Septembre 27, miabut sa 80.

Kon sumadahon unya pilo-pilo-on sa 14 ka adlaw sa duh aka semana, kini anaa sa 5.7 ka tawong nga namatay sa matag adlaw sa katapusang duha ka semana.

Sa pagkasunod semana, Septembre 28 ngadto sa Octobre 12, ang kaso sa kamatayon nga naangin sa viral nga sakit, mikanaug ngadto na sa 57, o 23 ka mga kamatayon ang napugngan.

Gikan sa 5.7 ka mga mamatay sa us aka adlaw sa milaby nga buwan, karon, anaa sa 4.07 na lamang sa katapusang duha ka semana.

Sa milabay nga buwan, ang adlaw nga natala ang labing daghang namatay niadtong Septembre 21, diin natala ang 12 ka mga kamatayon,

Pagkasunod adlaw, gibawi dayon kay walay kaso sa kamatayon dala sa Covid ang nalista.

Ang napakunhod ng mga kamatayon dala sa Covid sa katapusang duha ka semana mipaus-os usab sa average nga mga kamatayon sa matag adlaw.

Gikan sa sobra sa 6 ka tawo ang mamatay matag adlaw niadtong Septembre, karon, ang daily average naa sa 4.8 alang sa Oktubre.

Sa semana gikan sa Septembre 1 ngadto sa 15, sobra sa libo ang mga pagsaka sa mga kaso sa Covid matag adlaw, samtang sa Octobre 1 ngadto sa 15, ang pagdaghans a kaso, miubos na sa 1000, og naa na sa 887.

Sa mga natala nga aktibong kaso gikan sa 1858 sa Sept 1, ang mga kaso nagpadayong mingsaka ngadto sa 2064 sa pagka Septembre 15.

Pag-abut sa Octobre 1, ang mga aktobong kaso naa na sa 1,651 samtang pag abut sa ika 15 sa buwan, ubos sa us aka libo o 680 na lamang sa using adlaw. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.