By Rey Anthony Chiu | 11:06 AM October 14, 2021

Sulod sa napulo ka adlaw, napaubos na ngadto sa double digits ang mga bag-ong kaso sa coronavirus disease (Covid-19) sa Bohol, segun sa Covid-19 Update sa lalawigan sa Bohol.

Sa kasayuran nga gipaambit sa Bohol InterAgency Task Force on the management of Emerging infectious Diseases, nagpakita nga sugod niadtong Octubre 4, anaa na nagdagan dangan sa ubos sa usa ka gatus ang mga bag-ong kaso sa Covid dinhi.

Nagkaubos usab ang mga aktibong kaso sa Bohol gikan sa sobra sa us aka libo matag adlaw, ngadto sa ubos sa usa ka libo, kini namatikdan sa duha na ka adlaw sugod Oktubre 12.

Gawas niana, subay sa susama nga kasayuran gikan sa BIATF, nagpakita nga nagkataas ang ihap sa mga tawo nga natakdan sa Covid, sa datus nga makita sa Covid update sa milabay nga us aka buwan.

Niadtong Septembre 13, usa ka buwan gikan karon, natala ang 84% sa matag 100 ka tawo nga masakit sa Covid ang mauli-an ra ug mamaayo.

Sa pagka Oktubre 13, misaka na ngadto sa 93 ka tawo sa matag 100 ang mauli-an ra sa sakit human maatiman sa mga tinugyanan ug mga kabanay.

Hinuon, mingsaka na sa 53 ang kaso sa mga nangamatay dinhi sa Bohol tungod sa Covid niini lamang buwan sa Octubre.

Kahinumduman nga niadtong Oktubre 1, natala isip carryover sa kinatibuk-ang kaso sa Covid ang 461 ka mga kaso sa pangamatay tungod sa Covid.

Sa Oktubre 13, natala na sa 514 ang kinatibuk-ang kaso sa mga nangamatay.

Tungod niini, bisan sa nagka maayo nga mga timailhan sa pagkahinay sa sakit ug pagtakod, aghat sa mga tinugyanan, hugot bakus pa gihapon.

Kilayan ang tapok-tapok, mag face mask ug face shield, ug magdis-infect kon gikan sa gawas sa dili pa mosulod sa balay aron dili makatakod. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.