By Rey Anthony Chiu| 10:10 AM October 09, 2021
Wala pa gani kagawas ang bagyo nga si #MaringPH , laing bagyo ang karon misulod sa Philippine Area of Responsibility.
Sa Troical Cyclone Bulletin sa Philippine Atmospheric Geohysical and Astronomical Services Administration ( PAGASA) nga gipagawas sa alas 11:00 sa gabii sa Oct 8, matud sa state weather bureau nga usa ka tropical depression (TD) nga gipaila nga si Nando anaa na sa gibanabana nga 1305 kilometros sa kasubangan (east) sa Northern Luzon (17.2°N, 134.0°E) alas 10 sa gabii sa Biyernes Oct 8.
Dala ni TD #NandoPH ang gikusgon sa hangin nga anaa sa 55 km/h duol sa sentro niini ug kalit nga huros nga moabut sa 70 km/h, ug may central pressure nga anaa sa 1002 hPa.
Gilantaw nga si Nando magrumbo sa direksyon nga pa kasadpan-amihanang kasadpan sa gikusgon nga 20 km/h apang ang lalapdon sa hangin nga dala niini mosangkad ngadto sa 350 km gikan sa tungatunga niining bagyo.
Silang #MaringPH ug #NandoPH kasamtangang nalamon sa mas dako ug lukop nga habagat samtang si Nando gitagna nga mopaingon sa west northwestward karon dayon moliko pa kasadpan sa Domingo, samtang maguyod sa tuyok ni #MaringPH, nga gilauman usad sa mga tigpaniid sa panahon nga makaon usab sa tuyok ni Maring.
Hinuon, dala sa kawala pay tataw nga datus sa posible nga pagkatakdo sa duha, mahimong may mga pag usab usab sa panglantaw sa PAGASA ni Nando.
Niini, ang pAGASA mipahimangno sa katawhan uv ang mga DRRM nga mangandam aron kapanalipdan ang kadaut sa kabtangan ug kinabuhi.
Dugang sa ahensya sa kahimtang sa panahon, sundan kanunay ang Pagasa Regional Services Division alang sa pahimangno sa kusog nga uwan, uv weather bulletin sa inyong mga lugar. (rahc/PIA7/Bohol)
