By Rey Anthony Chiu | 01:58 PM September 29, 2021
Lain nga batch sa mga bakuna nga Moderna ang nahidangat sa Bohol, Septembre 28, 2021, segun pa sa Bohol Inter Agency Task Force on the management of Emerging Infectious Disease (BIATF).
Ang paghidangat sa 11,200 ka mga tupokan sa bakuna nga pessenger RNA ang pasakyan sa kagaw nga timan-an sa mga antibodies sa lawas sa tawo aron dali na niining mapakgang ang pag-atake sa virus, nagdugang sa bakuna nga magamit sa Bohol alangs a mga molupyo niini.
Segun pa sa BIATF, ang kinatibuk-ang nadawat nga bakuna sa Bohol sama sa Sinovac, Astrazeneca, Sputnik V, Pfizer, Sinopharm ug Moderna, lakip na ang usa ka tupokan lamang nga Johnson and Johnsons, mikabat na ngadto sa 467,892.
Niadtong niang adlaw, gitaho sa BIATF nga mikabat na sa 182,125 ka mga Bol-anon ang nahatagan sa duh aka tupokan sa bakuna batok sa Covid.
Lain usab nga 175,998 ka mga Bol-anon ang nakakuha sa una nga tupokan sa bakuna.
Sa kasamtangan nga 467,892 ka mga bakuna nga nadawat gikan niadtong Marso 6, 2021, may natupok na niini ug nagamit na 358,125, hangtud niadtong Septembre 25.
Tungod niini, may 109,767 pa ka tupokan sa bakuna nga magamit sa nagpadayon nga mga pamakuna sa regular nga vaccination sites ug sa mga mobile teams nga nagsuroy sa mga hilit nga lugar aron mamakuna.
Sa inadlaw nga dagan sa pamakuna sa Bohol, una nga gibutyag ni Dr Cesar Tomas Lopez nga kaya ang 7,500 ka tawo mabakunahan matag adlaw sa kapin sa 50 ka mga vaccination sites.
Apan, dala sa kakuwang sa mga medical frontliners nga moatiman sa mga magpabakuna aron masusi kini kon may mga komplikasyon bas a bakuna, mikunhod og dyutay ang mga maabut sa bakuna dinhi sa matg adlaw.
Bisan pa, kon bisan og makakab-ut sa 5,000 ka mga tawo nga kabakunahan matag adlaw, abtan pa og halos tulo ka semana hangtud mahutdan na usab ang Bohol sa bakuna.
Hinuon, human sa usa ka buwan ug hangtud ika pamakuna na ang mga gitaho, nianang panahona, naa na sa Bohol sa 30% nga gidaghanon sa mga tawo ang mahatagan og panalipod.
Tumong hinuon sa Bohol ang pag-angkon sa labing menos, 1.9 milyones ka mga bakuna aron mapanalipdan ang bisan 70 ra sa populasyon niini. (rahc/PIA-7/Bohol)
