By Rey Anthony Chiu/PIA-Bohol | 10:55 AM September 06, 2021

Magsugod karong buwan sa Septembre ang paghatag og mga bansaybansay sa Provincial Veterinary (PVet) Office ngadto sa mga nagpanegosyo og butakalan, aron matanyag na ang programa sa pagpamaayo sa liwat sa mga baboy dinhi sa Bohol.

Gibutyag ni Dr Stella Marie Lapiz, kinsa maoy PVET sa Bohol, nga ang pagbansaybansay sa mga boar operators lain nga pamaagi aron mapataas ang kalidad sa mga native nga baboy aron modagko ug motimbang og mas bug-at, nga moepekto s akita sa mga magbabaoyan.

Gitaho ni Dr. Lapiz, kinsa usa usab ka giila nga beterinaryo, nga nakaangkon ang Bohol sa Swine Genetic Material Processing Facility, dili pa lamang dugay.

Ang nahisgutan nga facility, makatigum sa mga semilya sa mga piskay nga klase sa baboy, tipigan kin isa labopratoryo sa pasilidad ug ipang-apud-apod sa mga bout magpaserbisyo sa butakal alang sa ilang mga anay.

Matud ni Dr. Lapiz, il ana nga gipadayag sa ilang buhatan nagdto sa mga nagserbisyo pinaagi sa buhi nga butakal nga mas hasol ug mas bug-at dalhon ang butakal ngadto sa mga kabalayan nga adunay anay, kon itandi sa dalhon nga semilya lamang.

Ang pamaagi sa pagpang-apod-apod sa semilya sa taas nga liwat sa baboy gitawag og artificial insemination.

Dinhi, inay ang buhi nga butakal ang dalhon, semilya lamang nga gisulod sa vial ug maoy itupok sa anay aron mabuntis.

Ang pagpamaayo sa liwat ds mga baboy sa Bohol usa sa mga lakang sa pagpalig-on sa local nga industriya sa baboyan, ilabi na sa bintaha nga nasinati sa Bohol sa panahon nga ang ubang lugar sa nasud na igo sa African Swine Fever.

Dili momenos sa 3,000 ka baboy ang ipagawas sa Bohol aron itabang sa kakuwang sa supply sa ubang lalawigan nga nahutdan og baboy tungod sa sakit.

Ang pagpanghimo sa artificial insemination sa mga baboy dinhi, maoy usa ka paagi nga ang mga may gagmay ga baboyan makaapil sa ginansya sa nagmahal nga karne, ilabi na sa gawas sa lalawigan sa Bohol. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.