By Rey Anthony Chiu/PIA-Bohol | 10:50 AM September 06, 2021

Sa labing unang higayon, milapas sa 2000 ang ihap sa mga aktibong kaso sa coronavirus disease sa Bohol sukad nagsugod ang local nga kaso usa ka tuig ug siyam ka buwan ang milabay human nasinati ang unang kaso sa Bohol.

Gawas sa pagtikang sa ihap sa mga aktibong kaso, mikabat na usab ang mga kinabuhing nakalas tungod sa Covid-19 nagdto na sa 305, segun sa inadlaw nga taho sa Bohol Inter Agency task Force for the management of emerging infectious diseases.

Sa gipagawas nga taho sa BIATF niadtong Septembre 5, napakita nga mitikang na sa 2,038 ang natala nga aktibong kaso sa Bohol, samtang 305 na ang nakabsan sa kinabuhi.

Sa susamang adlaw, 11,711 na usab ang mga nauli-an sa sakit; 178 ka kaso ang nadugang sa 11,533 nga natala sa nahaunang adlaw, Sept 4.

Sa mga bag-ong kaso, gikan sa 1,974 sa Sept 4 sa may alas 9:00 ang takna sa buntag, miabut na kini sa 2,038 sa Sept 5 sa may alas 12:00 sa udto; 64 ka kaso ang nadugang.

Sa laktud nga pagkataho, mas daghan pa gihapon ang nangaayo sa Covid sa inadlaw nga ihap sa 178. kon iparang sa inadlaw nga bag-ong kaso nga 78 ang nadugang.

Niini nga pagkabutang, miabut na sa 14,054 ang kinatibuk-ang ihap sa mga kompirmado nga nagkaCovid sa Bohol gikan sa 94,931 ka mga swab samples nga gitestingan sa mga molecular laboratory sa Bohol ug Sugbo.

Sa kadaghanon sa gitesting og sa kadaghanon sa gitesting nga nagpositibo sa Covid, 14.80 % ang positivity rating sa Bohol.
Kini nagpasabut nga sa pagka karon nga higayon, sa matag 100 ka swab samples nga gihatud para sa testing sa molecular laboratories, duol sa 15 niini ang magpositibo. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.