By Rey Anthony Chiu/PIA-Bohol 12:57 PM August 15, 2021

Suman.

Ambot og dis-a kakuha ang mga Bol-anon sa kinaija nga magkugi og suman, sa bisag unsay ilang makit-an nga pwede sumanon.

Daghan tingali ani, suwaysuway lang, hangtud nga dihang natilawan, mao nay gikahidlawan.

Dinhi sa Bohol, samtang adunay usa ka ngalan nga generic nga nailhang SUMAN, daghang matang sa suman nga mahimo nimo matilawan.

Gani, dili ikatingala nganong mosidong ang kilay sa ubang Bol-anon og imong pangutan-on og mokaon ba sija og suman.

Suman nga unsa?

Sa suman nga ginama sa pilit lang daan, daghan na nga klase, mao nga mas nailhan sila ug gihinganlan sila sa ilang kalainan. Pananglitan, sa suman pilit, adunay: suman tam-is, suman bodbod, suman tapow ug daghan pa nga wa na gani nako mailhi.

Gikan sa kamote, gabi, palaw, balanghoy, mais, ngadto sa suman nga gisagolsagolan na og daghang sahog, naa na silay ngalan.

Suwajan kuno nato og hingan ning mga sumana, pinaagi sa paghulagway sa iyang lami, putos, ug lugar asa nga lungsod daghang matilawan, sukdon nato ang imong pagka Bol-anon.

Sama ani: (SUMAN BODBOD: pilit nga gisuman sa initos nga duga sa luy-a ug tono (sunob) ug gi-asukaran; kasagaran puston sa udlot sa saging (aron di na abrihon pa ug tilawan kon bodbod ba jud), matilawan sa tanang lungsod sa Bohol).

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.