By Marisol Bo-oc | 10:33 PM December 21, 2023
Si Boljulio Aleria, usa ka residente sa barangay Cabayugan sa lungsod sa Calape, Bohol ang nakigbugno og usa ka bitin.
Si Aleria, 48 anyos, nagsakay sa iyang motorsiklo dihang nibabag sa dalan ang usa ka Reticulated python nga gitawag og “baksan” alas 2 a. m. niadtong Martes sa Barangay Quinapon-an, Antequera.
Gikan siya sa Loon aron bisitahon ang iyang mga anak.
Miagi siya sa dalan Antequera aron mopauli.
Ang bitin labing menos 3 metros ug adunay gidak-on sa lawas nga sama sa usa ka dako botelya.
Ang Reticulated python dili la sama sa tanang python.
Nagtuo si Aleria nga motabok lang sa karsada ang bitin apan nituyhakaw ang ulo niini ug diretsong nitugpa-paak sa iyang kamot ug bukton samtang ang ikog nilabtik sa pagbalikos kaniya.
Natumba ang motorsiklo ni Aleria sa pag-atake sa bitin kaniya.
Maayo na lang, si Aleria adunay presensya sa hunahuna aron makig-away.
Iyang gipangita ang liog sa bitin ug giluok ug gipaak, gikuniskunis ang mga tipik sa unod sulod sa 10 minutos o kapin pa hangtod namatay ang bitin.
Si Aleria gidala sa Gov. Celestino Gallares Medical Hospital sa Tagbilaran City aron matambalan. Nagpaayo na siya karun sa samad.
