By Rey Anthony Chiu/PIA-Bohol | 03:34 PM August 11, 2021

Sa sunod nga duha ka adlaw gikan sa Agosto 11 ug 13, 88 lamang ka test samples matag adlaw una ang dawaton sa Molecular Laboratory sa Governor Celestino Gallares Memorial Hospital.

Kini tungod sa limitado pa ang mga laboratory personnel nga magamit aron pagpadagan sa mga nahisgutang proseso, sumala pa sa Molecular Pathology Section sa nahisgutang tambalanan.

Ang Molecular Pathology Section mao ang modawat sa Reverse Transcription Polymerase Chain Reaction (RT-PCR) swab tests gikan sa mga pasyente nga gipailawom sa swab testing.

Gani, niining mga nahisgutan nga mga adlaw, modawat lamang ang nahisgutang laboratory sa mga swab tests nga gikan sa mga pasyente nga na-admit sa nahsgutang hospital, kadtong swab tests sa ilang mga trabahante ug sa pipila ka mga swab test samples gikan sa mga pasyente nga naa na confine usab sa laing mga ospital gawas sa Gallares Hospital.

Taliwala niini ug sa nagsulbong nga kaso sa Coronavirus disease (COVID) dinhi sa lalawigan, subli nga gipahinumdom sa mga tinugyanan sa GCGMH ngadto sa tanan sa pagsunod gayud sa mga lagda sa minimum public health standards.

Kini mao ang pagsul-ob sa face mask ug face shield, pagtuman sa physical distancing ug ang pagbatasan sa pagpanghunaw.

Gawas niini, aghat sa mga tinugyanan sa tambalanan kinsa mao gayud ang saksi sa nagsubwak nga kaso dinhi, ngadto sa mga may 18 anyos pataas, sa pagseguro nga mabakunahan sa labing dali nga panahon batok sa sakit. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.