By Rey Anthony Chiu/PIA-Bohol | 11:55 PM December 21, 2019
Ilad, kay wala gyud, ni bisan kanus-a nga ang Securities and Exchange Commission (SEC) nagrehistro sa Kabus Padatoon (KAPA) pa Community Ministry International Inc. isip crowdfunding entity.
Sa advisory nga gipagawas sa SEC niadtong Disyembre 9, gibutyag sa SEC nga sa SEC Memorandum Circular No. 14, series of 2019, o ang Rules and Regulations Governing Crowd Funding, kon hain man masakop ang aplikante: isip crowdfunding intermediary o crowd funding portal,wala didto sa ilang listahan ang KAPA, ug bisan gani og pending nga aplikasyon niini isip crowdfunding entity, wala.
Kahinumduman nga una na nga gipasi-atab sa mga radio anchors sa KAPA nga sila Roger Abing Camingawan ug Daniel Flash Villas nga napagawas na sa SEC ang registration sa KAPA isip crowdsourcing entity.
Dili pa kini igo, ang kanatibuk-an nga pagsibya, ila pang gi-upload sa youtube.
Didto napahibawo na lang ang SEC dihang nagsugod na og ka viral ang gipaambit nga bakak nga kasayuran.
Segun sa mga videos, ang mga nasampit nga mga anchors mitug-an nga wala nay pagraid sa mga buhatan sa KAPA sa National Bureau of Investigations (NBI) kay kuno, rehistrado na ang kompanya sa SEC, subay sa SEC Memorandum Circular No. 14, series of 2019.
Matud sa SEC sa nasampit nga memorandum, ang crowdfunding nagpasabut sa “tanyag sa pagpamaligya sa mga securities sa ginagmay nga paagi alang sa mga gagmay nga mamumuhunan, ug kini pinaagi sa online.”
Un aron sa pagtul-id sa mga bakak nga gipakatag sa online, matud sa SEC ang KAPA dili rehistrado ug wala marehistro sa Commission ilawom sa SEC Memorandum Circular No. 14, Series of 2019 o ang Rules and Regulation Governing Crowd Funding.
Nani, walay bisan og timaan nga may aplikasyon kining giduso sa SEC.
Mao nga kining KAPA dili lisensyado nga mosulod sa Crowd Funding, matud pa sa SEC.
Subay usab niini, ang publiko gipahimangno-an nga magbantay ug magmatngon sa pagtan-aw sa mag susamang posts sa youtube kay daghan na ang namatikdan nga nagpakatay og mga bakak.
Dugang sa SEC, daghan na nga mga videos ug posts sa social media nga mga bakak ug sayup nga taho.
Kon duna may mga tawo nga magpagawas og mga pamahayag sa KAPA, kini sila Rene Catubigan ug Ronnie Garay lamang ang gitugotan nga opisyal sa KAPA nga makapahayag.
Niadtong Pebrero ning tuiga, usa ka Cease and Desist Order ang gipagawas sa SEC en banc batok sa KAPA dihang nasayran nga kini namaligya ug namalit sa mga securities sa dagway sa mga investment contracts pinaagi sa pagpangayog donasyon o limos apan may mapaabut nga kita.
“Sukad niadto, ang Cease and Desist Order permanente pa gihapon nga gipatuman hangtud karon, samtang niadtong Abril 3, 2019, ang Commission En Banc mipagawas og desisyon Decision pagkansela sa Certificate of Registration sa KAPA.” PIABohol uban ni Tiara Jabutay/SEC Cebu
