By Rey Anthony Chiu| 09:22 PM October 29

Nakuha nga halos libre sa 26 ka mga mamumuhunan gikan sa micro, small ug medium enterprises (MSME) sa Bohol ang pagtapos sa 12 ka subsob nga semana sa pagbaid sa salabutan ug katakus aron isipon nga gradwado sa ika lima nga hugna sa Kapatid Mentor Micro Enterprises (KMME) sa Bohol niadtong Oktubre 23.Ang 26 nagalangkob sa mga tag-iya, tagdumala ug nagpadagan sa mga ginagmay nga negosyo ug pamuhuman apan nangandoy nga makatikang sa mas sanaw nga ang-ang sa negosyo taliwala sa nagkalapad nga merkado sa kalibutan.Usa ka proyekto sa Department of Trade and Industry (DTI),
Philippine Center for Entrepreneurship (PCE), Go Negosyo ug sa Bohol Chamber of Commerce and Industry, ang KMME nagatanyag sa mga mamumuhunan sa kasayun sa pagkat-on sa mga pamaagi sa negosyo nga mahimo na nga mo-ambas sa merkado sa mga dagkong mamalitay.Matud pa sa PCE pinaagi ni Virgilio Espeleta kinsa gikan sa Cebu Chamber of Commerce adn Industry, dako ang magasto kon ang kurso sa epektibo nga pagpangnegosyo, a-eskwelahan, apan libre kini sa KMME ug ang mga magtutudlo, kadto na mga malampuson nga negosyante nga nasuwayan na ang ilang katakus sa ilang gipili nga natad sa pamuhunan.Dugang sa DTI Bohol pinaagi ni Provincial Director Maria Soledad Balistoy, gawas sa pagtapos sa KMME, dili biyaan ang mga mamumuhunan, gani magpadayon ang coaching ug mentoring sanglit kini nasukip sa mga kasabutan sa proyekto.Gawas pa sa mentoring ug coaching, maka-ambit usab sila sa mga himan nga gipundar sa kagamhanan sa mga Shared Service Facilities (SSF) nga nagkatag sa Bohol aron mas mapataas pa ang kalidad sa mga produkto, samtang makaugmad pa sila sa pagpamaligya sa ilang produkto sa mas lapad nga value chain, dugang ni Balistoy.Mapasigarbohon nga mingpaso ang 26 ka mga KMME graduates atul sa pagtapos nga seremonyas didto sa Panda Tea Garden and Pavillion, Octubre 23.Ang mga mitapos gilangkoban nila ni Modesto Simacon Jr., Anaflor Gumera, Carmelita Barro, Ritchel Tabel, Emerita Azucena, Junare Bacullo, Evilio Catugo, Cleofe Tecson, Emily Cabintoy, Anecita Ladaga, Cecilia Busano, Meliton Tolop, Maria Betinol.Leonideza Belleca, Joan Dumangog, Bernardo Karaan, Audrey Anne Arellano, Alma Esterado, Nikki Ann Pedida, Rosa Iglisai Sarabosing, Michelle Alhajeri, Ma. Chona Gellidon, Louell Jeanne Lorzano, Joan Caturza ug Patricia Monsida.Sila nga mingtapos sa ika lima nga hugna sa KMME may mga negosyo sama sa giproceso nga pagkaon sama sa banana chips, mga gamit sa balay (Homestyle) (souvenirs), kape, cacao, kemikal sama sa shampoo, sabon ug lotions, kape mais, ice cream ug kadtong may itanyag nga serbisyo sa turismo sama sa music ug sa negosyo sa kan-anan, subay kini sa kasayuran gikan sa DTI Bohol.Nagsugod sa Bohol niadtong 2017, ang KMME may mga sesyon nga maghatag sa mga mentees sa kahigayunan nga makat-on sa mga sumbanan sa negosyo aron ila usab nga maugmad ang ilang kaugalingon nga katakus nga kinahanglanon aron mopadaku pa sa ilang negosyo subay sa mga lagda sa patigayon.Lakip sa ilang gitun-an mao ang unsaon pagpamaayo pa sa ilang produkto, pagpamaligya, pagdumala sa pagpadagan, paghipos sa kita, pamuhis, pamuhunan, ug sa pagsuheto sa obligations and contracts.Uban na usab sa ilang gikat-onan mao ang pagpalahutay sa negosyo pinaagi sa tukma nga pagdumala samga trabahante, pagtantya sa value chain, ug ang paghimo og plano sa mas gipaugmad pa nga negosyo.Ang KMME sa Bohol sa kasamtangan, aduna nay 151 ka graduates, wala pay nakasugod ug miundang, ug gani daghan na nga karon, asensado na u gang ilang mga produkto gibaligya na gawas sa Bohol ug gani, gawas na sa nasud, matud ni DTI Regional Director Asteria Caberte.

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.