BOHOL WEATHER

Bohol Island News

Your source of reliable news and content in the island.

Karne sa Bohol wala’y ASF

By: Rey Anthony Chiu/PIA-Bohol| 09:50  PM September 5, 2019

Eat local. Luwas ang atong karne sa sakit sa baboy nga mananakod.

Kini maoy giaghat ni Provincial Veterinarian Stella Marie Lapiz, taliwa sa kahingawa sa kadaghanan nga wala nay mangaon sa karne sa baboy human gikataho na may nanakod nga African Swine Fever (ASF) didto sa mga nasud nga gawas sa Pilipinas.

Bisan pa kon may gipangtaho nga may nga sakit sa baboy nga gikan sa kalungsuran, kini apil na sa normal nga sakit sa baboy nga dala sa nag-usab-usab nga panahon, sa pagpasagad sa mga namuhi sa ilang mga hayopan ug sa kakuwang sa nutrisyon, wala pay namatikdan nga sakit nga susama sa gikahadlokan sa tanan, pasalig sa Office of the Provincial Veterinarian.

READ: Taliwala sa hulga sa African Swine Fever, baboy dili angay pakan-on og salin-salin nga pagkaon

Ang ASF, kon makasulod sa usa ka nasud ilabi na niadtong sayun rang pagpatabok sa kagaw sa lain-laing dapit, hayan makapapas sa kinatibuk-an nga industriya sa pangbaboyan, matud sa mga batid.

Ang pagbutho sa taho, kalit lang usab nga nagpakaguliyang sa mga naa sa industriya sa pangbaboyan, bisan pa nga wala pay taho nga ang maong gikahadlokan nga sakit, nakapanakod na sa Pilipinas.

meat1
Sa paggawas sa taho, si Gobernador Arthur Yap mipagawas dayon sa Executive Order nga nagpugong sa pagpasulod sa Bohol sa mga karne sa baboy ug buhi nga hayop, kon wala kini patabani sa sertipikasyon sa National Meat Inspection Service (NMIS), o walay veterinary certificate ug walay shipping permit.

Sa kawala’y kalibutan sa mga namuhi og baboy ug sa mga naminaw sa balita apan wala sabta ang unod niini, gitaho nga daghan ang namaligya sa barato nga karne kay nahadlok nga dili na kini mahalin.

Apan, matud ni Dr. Lapiz, luwas ang local nga karne sa Bohol, walay nakasulod nga ASF, mao nga walay angay ikabalaka.

READ:  Bohol bans pork imports  due to African swine fever

Gawas sa mandu sa gobernador the gipatuman na karon, aron katabangan ang pagbantay nga walay karne nga makasulod sa Bohol nga apektado sa sakit nga ikamatay sa baboy ug ikapanakod sa mga baboyan sa lalawigan, gipatumanusab sa Buhatan sa Provincial Veterinarian ang pag kwarantina sa mga mosulod dinhi sa Bohol.

Gipahimutang na ang mga disposal bins nga abutangan sa mga karne ug niluto na nga sud-an gikans a karne sa baboy nga mabitbit sa mga mosulod sa lalawigan gikan sa gawas.

Ang mga disposal bins nga naa sa mga pantalan ug airport, gipakuygan usab sa mga pag-anunsyo nga illegal ang pagdala og mga pagkaon nga gikan sa karne sa baboy pasulod sa Bohol.

Kini sa rason nga ang kagaw sa ASF, dugay mamatay ug mabuhi kinig makapanakod bisan pa og gi-agi pa og pagluto, matud ni Dr Lapiz.

meat 2
May may mga turista na nga mitahan sa ilang bitbit nga mga chicharon, tocino, longanisa ug chorizo ngadto sa mga disposal bins, human masayud nga may P200 mil nga multa sa mga masakpan nga magpasulod sa illegal nga karne dinhi.

Apan, matud ni Dr Lapiz, piskay og kalidad ang atong karne, ug kini kinahanglan lamang nga panalipdan ug atong ipatronize.

Leave a Reply

This site uses Akismet to reduce spam. Learn how your comment data is processed.

%d bloggers like this: