By PIA-Bohol | 02:04 PM September 28, 2026
TAGBILARAN CITY, Bohol —Moabut na sa P542.00 ang labing ubos nga suholan nga dawaton sa mga mamumuo sa pribado nga sector dinhi sa Bohol, kinihuman gikompirmar sa National Wages and Productivity Commission (NWPC) angP42 nga umento sa inadlaw nga suholan.
Ang mismo nga Regional Tripartite Wage and Productivity Board sa egion 7 (RTWPB-7) ang mingduso sa P42 nga umento sa suholan human gipatuman ang nakapanahon ugregular nga pagrepaso sa minimum nga suholan, ug kini karon maoy gidasonan saNWPC, niadtong imaging semana.
Ang umento nga magsugod sa opisyal nga pagpatuman, mopeketo sa Oktubre 14, 2026, kanus-a, gibanabana nga 337,476 ka mga pribado nga mamumuo sa tibuok Cebu, Bohol, Negros Oriental, ug Siquijor makasinati.
Ug samtang P542 na ang suholan sa Bohol, sa metro Cebu, kini P582 na.
Pinaagi sa Wage Order No. VII-27, nahukman sa RTWPD nga bag-ohon na ang Wage Order No. ROVII-26, nga ming-epekto niadtong Oktubre 4 sa mi-aging tuig, aronhimoong nga timbang ang pagtaas sa bili sa mga paliton ug sa kapasidad sa mganegosyante sa pagbayad sa ilang mga trabahante.
Nunot niini, ang mga katabang sa mga panimalay, mosaka usab anbg ilang minimum nagdto sa 7,500, gikan sa kasamtangan nga suholan.
Alang sa domestic workers o kasambahay, mosaka usab ang minimum wage ngadto saP7,500 gikan sa kasamtangang P7,000 nga rate subay sa nahaunang wage order. (PIABohol)
