By PIA-Bohol | 09:03 AM July 22, 2025
Pasugod pa lamang sa pagbukas sa Sandugo One Town One Product Trade Expo didto sa Island City Mall, gitumbok na kini nga kalampusan ilabi na sa publiko ug pribado nga tinabangay (Public-Private p[artnership).
Mismo si Department of Trade and Industry (DTI) Officer in Charge Regional Director Esperanza Melgar, kinsa miitambong sa pagbukas sa lima ka adlaw nga pagtrade fair, didto sa Island City Mall ang mipadayag sa iyang mensahe nga ang Expo, usa ka pagmatuod sa kalampusan sa lig-on nga public-private partnership.
Kahinumduman nga ang Trade Expo nga gitunong sa Sandugo Festival sa Bohol nagsugod diha nga ang DTI mismo ang mingpasiugda sa Regional Trade Fair, gigastuhan sa kagamhanan gikan sa promosyon ngadto na sa pagpahimutang sa mga display, sa unang mga 15 na ka tuig ang milabay.
Ang Trade Fair gihimo aron gawas sa tabang sa DTI nga makapasugod ang kadaghanan sa gagmay nga pamuhunan, mapamaayo pa ang desinyo niini aron makapasar ug mahalin sa international markets, makahatag pa usab ang kagamhanan sa us aka higayon nga makapamaligya ug ikapagawas s amga mamumuhunan ang ilang mga mugna.
Ang Trade fair nagpadayag sa mga nagkadaiya nga produkto sa Bohol nga hinimo sa mga local nga kagamitan sama sa mga basket nga nito, uway, kwayan, bongbong, botong, sig-id, sagise, lipak, lais, tinaksi nga mga dahon sa buli, romblon, tikog hangtud na sa mga pangadorno sa balay, mga kagamitan, mga muwebles, mga ipangsuot, gamit sa lawas, mga health ug well ness products lakip na ang mga giproseso nga pagkaon nga sikat sa Bohol ug sa Pilipinas.
Ang kalampusan sa PPP sa Trade Fair, napun-an pa sa pagsulod sa usa ka pribado nga kompanya nga mao nay nangulo ug nagdumala sa pamaligya.
Ang Bohol Sandugo Trade Expo gidumala na sa Alturas Group of Companies nga nakapatigum sa Bohol sa liboan nga balayranan sa trade venue, ug naggahum sa DTI sa pagtutok sa pagpa-ugmad na lang sa desinyo ug tabang teknikal sa mga weavers.
“Kini ang oportunidad ngaangay lamang ipadayag ang dili mapresyohan nga abag sa atong mga partners. Ang Alturas Group of Companies pinaagi sa Island City Mall, nagpadayon nga naghatag og suporta sa lang mga lokla nga industriya sa paghatag, dili lamang sa lugar nga kadisplayhan, apan usab teknikal ug suportang logistical nga naghimo niining partnership nga may labing daku nga impact,” dayag ni Melgar.
Segun pa ni DTI Bohol Provincial Director Vierna Teresa Ligan, ang nahimong bag-o nga business model sa Bohol Sandugo Trade Fair, nanguna usab sa tibuok Pilipinas sa public-private partnership.
Kini nga partnership model naghatag sa DTI sa pagtutok na sa pag-ugma sa mga negosyo, pagpahiluna sa mga produkto ug pagpalig-on sa market linkages samtang ginamit ang pribadong sector pagseguro nga walay bugto ang pagpatuman niining business model, dugang ni Melgar. (PIABohol)
