By PIA-Bohol | 10:08 AM July 11, 2025
TAGBILARAN CITY, Bohol—Gimandu na ni Gobernador Erico Aristotle Aumentado ngadto sa Provincial Treasurer’s Office (PTO) sa pagpakig-alayon sa Bohol water Utilities Incorporated (BWUI) aron ikauli na ag sobra nga natingil sa mga balayranan sa mga konsumidor sa tubig gikan niadtong 1997 ngadto na sa 2000.
Pinaagi sa Executive Order No. 3 nga gilagdaan ni Gob Aumentado sa iyang inauguration rites isip re-elected nga gobernador, gpadayag nita nga ang Regional Trial Court Branch 47 dinhi sa Tagbilaran mipagawas og hukom kalabut sa Special Civil Action No 6049 nga nagmandu sa pagpareimburso sa sobra nga nabayad sa mga konsumidor nga gikolekta sa Kagamhanang probinsyal samtang kini pa ang tag-iya sa Provincial Public Utilities Department (PPUD) niadtong 1997-2000.
Matud ni Aumentado, bisan pa kon ang hukom sa korte, gihimoan pag pagrepaso sa labaw nga hukmanan, sa katas na sa lanat sa panahon nga nagpaabut ang tanan, nakita sa gobernador ang panginahanglan sa pagpabalik sa kon kinsa ang makadawat niini’ng sobra nga nakolekta.
Ug kay nahalin man ang PPUD ug nahimo na nga BWUI niining mga panahona, gimandu ni Aumentado ngadto sa PTO nga makigsabut sa BWUI aron masugdan na ang pagpanghatag sa reimbursements.
Ang Executive Order No 3 usa sa tulo ka mga executive Orders nga gipirmahan ni Aumentado mismo sa adlaw nga nanumpa siya pagsugod sa iyang ikaduha nga termino sa pagka gobernador.
Apil sa mga Executive Orders ang iyang gipirmahan mao ang pagmugna sa Executive Planning Committee alang sa Agricultural Renewal and Innovation Strategy ug ang pagmugna sa Local Organizing Committee alang sa paghost pohon sa Bohol sa Central Visayas Regional Athletic Association (CVRAA) sa 2028. (PIABohol)
