By Ric Obedencio | 09:32 PM July 08, 2025
Ang Sangguniang Panlalawigan sa Bohol mihimo’g ‘inaugural’ sesyon nga gidumala ni Bise-Gob. Nick Besas ug gitambongan ni Gob. Aris Aumentado, head of offices,mga kawani ug mga bisita ganinang buntag (Hulyo 8) sa New Capitol, Tagbilaran city.
Atol sa maong sesyon, si Bise-Gob. Besas mipalanog usab sa iyang mga pasalamat ug panlantaw sa SP, labina sa natad sa pamalaod, nga iyang gipangulohan karon.
Matud niya nga kinahanglan nga motunong sa takna nga gitakda sa ilang sesyon ug tigum aron kadtong naha-una sa pagtungha mahatagan sa patas.
Ikaduha niyang patakaran mao ang paghimo sa mga tigum o sesyon pinaagi sa gitawag niyang “statemanly and dignified manner.” Siya midugang, “Unya gawas pa ana dili necessary nga dugay ta mahuman especially kay naa pa man pod tay pre-con daan.”
Sa iyang panapos nga pakigpulong, siya nagkanayon, “Busa, atong paningkamutan, bisan lisud, to forget all that happened in the last electoral exercises, kay bisan it was not only hurting but also dividing us, wala man siguro ni silay luna in the midst of our promises to the people.”
Samtang si Gob. Aumentado nag-aghat sa SP nga maaprobahan na ang Bohol Tourism Code nga anaa karon sa tuorism committee nga gipangulohan ni Board Member Atty. Jamie Villamor.
Sa separate nga interview, si Villamor nagkanayon nga ilang paspasan sa pag-approve sa maong Kodigo. Kini nalangan tungod kay dunay mga provisiones nag nag-doble ug naglatid sa ubang provisions sa national tourism code.
Si Aumentado mi-agni usab sa SP sa pagpanday sa Ordinansa mahitungod sa panubig sa lalawigan. Kini iyang gidugang nga angayan nan nga susihon pagbalik ang ubang mga Ordinansa nga sarang makatutok sa mga kinahanglanon sa katwahng Bol-anon.
Si Aumentado midapit sa SP sa pagsalmot sa sa ka strategic planning sa umaabot Hulyo 29-30.
Ang tagsa-tagsa kamga Board member gihatagan sa higayon sa pagpahayag sa ilang mga panlantaw ug psalamat atol sa naasoyng (inaugural) sesyon.
Ang mga namabong naglakip nil ani BMs Benjie Arcamo, Mutya Kismet Tirol, Lucille Lagunay, Fernando “Eping” Estavilla, Atty. Tommy Abapo, Jr., Atty. Villamor, Nathaniel Binlod, Greg Jala, DJ Balite, Tita V. Baja ug representante sa Philippine councilor league Bohol chapter. (rvo)
