By I. Inojales | 08:37 AM May 20, 2025
Contributed photo
Duha ka drayber ang dungan nga nakalas human nagbangga dito sa Panglao, Bohol.
Ang mga namatay nailhan nga sila Daniel Estoquia 58; kinsa maoy drayber sa Toyota Vios nga awto og Ramon Cimafranca Vlll 30; kinsa maoy drayber sa motor.
Si PCms Michael Armeldez sa Panglao Police Station kinsa maoy nag imbestiga sa maong hitabo nibutyag kining duha pulos taga lungsod sa Panglao.
Nahitabo ang insidente alas 4:30 ang takna sa kadlawon, Mayo 19,2025, didto sa nasudnong dalan sa Purok-4 Barangay Tangnan.
Sa ilang nakuha nga impormasyon kining duha pareho og dalan nga gisumbay paatubang sa Dakbayan sa Tagbilaran.
Apan pag-abot na sa nahitaboan nga lugar matod pa nga kalit nga mihunong ang vios nga awto maong nidumbol ang motor.
Tungod sa kakusog sa dagan sa duha wa mahitsura ang duha ka mga sakyanan nga miresulta usab sa pagkamatay sa duha ka mga drayber. with a report from Benjie Banguis Talisic , XFm News
