By PIA-Bohol | 07:02 PM May 14, 2025
Sulod sa lima ka adlaw mahuman ang piniliay, gimanduan ang mag kandidato u gang ilang mga partido sa paglangkat ug pagtangtang na sa ilang mga campaign materials ug tarpaulins, ilabi na kon kini nakasagabal sa mga pangpubliko nga lugar.
Segun sa Section 30 sa Commission on Elections (COMELEC) Resolution No. 11086, dili na kinahanglan pa nga mandu-an ug ipahibaw sa Comelec, ang kandidato u gang partido diin siya mipasilong, mao nay molangkat sa tanan nilang election propaganda, personal ma nila nga gasto o sa partido nga maoy nakabenepisyo sa propaganda nga gipatik, gipadayag ug gipakatap.
Kini samtang gipanawagan na usab sa mga environmentalists ang pagpatangtang sa mga election posters ug tarpaulins nga nakaduhig sa kaanindot sa kalikopan.
“Win or lose, remove your faces from public spaces,” aghat sa Plastic Free Bohol.
Kahugpungan nga nanguna sa kampanya pagpasalikway sa plastic nga dili madunot hangtud nga maoy kinaingnan sa kadaut sa kalikopan, ang Plastic Free Bohol nagkanayon: Naglaum kami nga inyo na nga kuhaon an gang mga tarpaulins, banners, posters, ug tanang matang sa campaign materials gikan sa kadalanan, mga poste sa koryente ug telepono, hangtud sa matag lugar sa mga pangpubliko nga espasyo.
Partikular usab nga gipanawagan sa grupo ang mga campaign material ug propaganda nga gipangbitaw sa mga kahoy ug gilansang dinhi.
Niini usab, si Obispo Alberto Uy, namahayag: Daghan ang nag-ingon nga ang mga Pilipino, maayo lang mupahimutang, apan dili kamao mo hipos, Dinhi sa Bohol, ato nga ipakita nga dili kini tinuod.
Atoa na nga sugdan og pangtangtang ang mga tarpaulis ug campaign posters ug sugdan na nato og limpyo ang atong palibot.
Nahuman na ang elekesyon, mao nga daug man o pildi, kinahanglang atong limpyohan ang atong mga gipangkatag, panapos ni bishop Uy. (PIABohol)
