By PIA-Bohol | 07:48 PM May 09, 2025
Sa kasamtangan nga 981,564 ka mga rehistrado nga botante sa Bohol subay sa kapin sa tag 300 mil sa matag distrito, tag P3.00 lamang ang gitugot sa Commission on Elections (Comelec).
Ug sa kasamtangan nga mga hisgut-hisgut kabahin sa gastohon sa matag kandidato kun itandi sa nanggawas nga mga hulagway sa gituohang wilwig o binayranay alang sa pagpalit sa boto, dako kini nga tulubagon sa kandidato sa local nga piliay ngadto sa poll body.
Segun sa gibag-o nga lagda sa Section 100 sa Omnibus Election Code nga anaa na sa Section 13 sa Republic Act No. 7166 (“RA 7166”), ang kandidato sa pagka presidente ub bise presidente gitugotan sa paggasto og P10.00 sa matag botante nga mopili kaniya.
Ang uban nga mga kandidato pa-ubos, P3.00 lamang ang gitugot sa matag rehistratdo nga botante nga nasakop diin ang kandidato ming file sa iyang sertipiko de kandidatura.
Sa mga kandidato nga walay partido political nga gisilongan, nagtugot ang balaod nga siya mogasto og ttag P5.00 matag botante.
Ang mga partido political usab, gitugotan nga mogasto og tag P5.00 sa matag botante nga narehistro sa lugar diin ang partido adunay gipahimutang nga mga kandidato.
Ang mga galastohon, maglakip sa abangan o pletehan sa sakyanan sa yuta, dagat og eroplano, mga gamit ug mga kahimanan sa pagsabwag sa kandidatura sama sa mga poster, tarpaulins, political advertisements, pagpatapok sa mga tawo ug ubang galastohan nga suporta sa pagkampanya sa mga botante.
Dugang sa balaod nga kon ang kandidato ang tag-iya sa nahisgutan nga mga butang nga gigamit sa kampanya, o sa iyang supporter o contributor, kinahanglan kining presyohan ug isukip sa Statement of Contributions and Expenses nga iduso sa kandidato human sa pili-ay.
Daghan nga mga kandidato nga nagpapatik og daghan kaayong dagko nga tarpaulin, bongga ang mga rally, tan-awon nato kon nakalista ba sa ilang mga SOCE ang ilang gasto, matud ni Bohol Election Supervisor Atty. Eliseo Labaria.
Ang campaign overspending, us aka pagsupak sa balaod sa Comelec ug mamahimong mohatud sa us aka tawo ngadto sa pagkapriso u hangtud sa hangtud nga pagdili nga makalansar pa og bisan unsang posisyon sa goberno.
Sa kandidato sa kongreso, ug mga bokal sa unang distrito, ang matag kandidato may limit ngadto sa P983,586.00 alang sa 327,862 ka mga botante sa unang distrito.
Sa Ika duhang distrito, sa 326,937 ka mga rehistradong botante, ang mga kandidato para sa kongreso mogasto lamang og P980,811.00, sama usab sa matag kandidato isip bolkal sa distrito.
Sa ika tulo nga distrito, sa 326,765 ka mga rehistratdong botante, ang mga kandidato sa pagka board member ug kongresista mogasto lamang og P980,295.00.
Sa mga kandidato pagka gobernador ug bise gobernador, sa 981,564 ka mga rehistradong botante sa Bohol, pwede lamang sila nga mogasto og P2,944,692.00, segun sa lagda sa Comelec. (PIABohol)
