By I. Inojales | 08:24 AM February 22, 2025
Gihangyo ni Bohol 3rd district Rep. Kristine Alexie Tutor ngadto kang Presidente Marcos Jr. nga ma-certify nga dinalian ang balaudnon nga nagtumong sa paghimo sa balido sa Professional Regulation Commission (PRC) ID nga lima ka tuig, gikan sa kasamtangang tulo ka tuig.
Matod niya nga ang proposal na-transmit ngadto sa Senado niadtong Pebrero sa miaging tuig apan pending pa kini.
Niadtong Pebrero, giaprobahan sa House of Representatives sa ikatulo ug katapusang pagbasa ang House Bill 9764, nga maglugway sa validity sa identification cards ug certificates of registration sa tanang propesyonal ubos sa PRC gikan sa tulo ngadto sa lima ka tuig.
Ang tanang 234 ka mga membro sa Kamara nga mitambong atol sa plenary session mibotar pabor sa maong balaodnon, nga makapakunhod sa gidaghanon sa tinuig nga renewal transactions ug makapamenos sa pressure sa appointment system.
Ang HB 9764 gimugna ni Committee on Civil Service and Professional Regulation chairperson ug Bohol Rep. Tutor, Parañaque City Rep. Edwin Olivarez, Ilocos Norte Rep. Angelo Marcos Barba ug Northern Samar Rep. Paul Daza, ug uban pa.
