By Marisol Bo-oc | 09:36 AM January 22, 2025
Gikompirmar sa Philippine Navy nga nakadawat sila og report bahin sa posibleng ika-6 nga underwater drone o glider nga nakita sa kadagatan nga sakop sa Bohol.
Kini human nag-viral sa social media ang silver ug red underwater drone nga nakit-an nga naglutaw-lutaw sa kadagatan sa Bohol apan wala na kini kuhaa sa mga mananagat nga nakakita niini tungod sa kahadlok.
Sa report sa Radyo Pilipinas, matod ni Philippine Navy Spokesperson for the West Philippine Sea, Rear Admiral Roy Vincent Trinidad, maayo nga gikuha ang maong drone alang sa forensic investigation.
Lahi sa yellow nga nakit-an sa Masbate, dako ang kahigayonan nga ang glider nga nakit-an sa Bohol gigamit sa military applications.
Hinungdan nga nanawagan si Trinidad sa publiko ilabina sa mga mananagat nga dili mahadlok ug motaho dayon sa mga otoridad kung makakita sila sa maong mga ekipo sa kadagatan.
