By PR | 01:54 PM November 30, 2023
Gipasidunggan sa Dangal ng Lahi Organization isip “Man Of Influence” ug “Outstanding Governor of the Year” si Gobernador Aris Aumentado.
Ang pasidungog gipadangat atol sa ilang ika-unom nga pagpahigayon og “Dangal ng Lahi Awards” Nobyembre 28 didto sa Waterfront Hotel, Cebu City.
Sa ilang magazine volume 2 Issue 2, na- feature usab si Aumentado sa mga “Extra Ordinary Men and Women of the Philippines”.
Gihulagway ang gobernador nga usa ka “Empowered Public Servant with a Compassionate Heart”.
Si Aumentado namahayag nga ang iyang nadawat na pasidungog gikan sa usa ka dako nga inspirasyon sa mga nanerbisyo nga matinud-anon sa gobyerno sama kaniya.
Kahinumduman nga sa unang termino ni Aumentado isip gobernador, nagpakita kinig talagsaon nga charisma ug momentum sa pag-alagad sa mga Bol-anon isip gobernador ug Chairman sa Regional Development Council (RDC)-7, Central Visayas Region.
Mapasalamaton kini ngadto sa kapunongan sa ilang pagtan-aw ug paghatag og gibug-aton sa performance sa mga public servants.
Si Aumentado, kanhi kongresista sa ikaduhang distrito sulod sa tulo ka termino ayha nahimong kasamtangan gobernador.
Si Aumentado nailhan sa iyang tagline nga “tinud- anay na serbisyo ug limpyong Gobyerno”.ALT/PIMO
