By PR | 09:38 PM November 03, 2023
Nibisita ang mga membro sa Rotary Club of Pasay Cyber City, District 3810 sa kapitolyo, Nobyembre 3 mahitungod sa mga proyekto nga gipasiugdahan dinhi sa lalawigan.
Sila si Benjie Oliva, Hope Creating President (HCP) sa Rotary Club ug Lai Dela Cruz nga Rotary District Governor, nakighinabi kang Gobernador Aris Aumentado ug Congresswoman Vanessa Aumentado, representante sa ikaduhang distrito alang sa maong katuyoan.
Nasayran gikan kang Oliva ug Dela Cruz nga sa ilang pagbisita sa lalawigan, manghatag usab sila og 20 ka paddle boats ug motorized banca sa ilang mga benepisyaryo ngadto sa Panglao sa Nobyembre 4.
Adunay usay mga wheel chairs nga ila usab ipanghatag sa barangay Cogon, dakbayan sa Tagbilaran.
Lakip kini sa mga kalihukan sa Rotary Club aron makatampo sa katilingban isip social responsibility. Nahimong kabahin ang mga Bol-anon sa mga benepisyaryo tungod sa sugyot ni Oliva nga lumad taga lungsod sa Catigbian. ALT/PIMO
