By PR | 06:07 PM October 19, 2023
Ang Bohol Provincial Peace and Order (PPOC) nakadawat og grado nga 98.71% sa gihimong performance audit profile diin gihatagan usab kini og rating nga “functional”.
Kini gipahibaw ni Gobernador Aris Aumentado atol sa gihimong tigum sa PPOC niadtong Oktubre 18 sa Ceremonial Hall sa Kapitolyo.
Matud pa sa gobernador, gipahibaw sya mahitungod niini pinaagi sa usa ka suwat gikan ni Director Leocadio Trovela, regional director sa Department of Interior and Local Government (DILG) Region 7.
Kini base usab sa gipahigayon nga assessment sa regional audit team sa tibuok Central Visayas kabahin sa tagsa-tagsa ka performance sa mga PPOC tuig 2022.
Uban ni Bise Gobernador Dionisio Victor Balite, si Aumentado nagpadayag sa iyang pagpasalamat sa DILG sa gihatag nga exemplary performance sa PPOC Bohol
Si Aumentado maoy nangulo sa tigum sa PPOC nga gitambongan sa 180 ka mga tinugyanan sa nagkalain-laing mga ahensya sa pagpatunhay sa kahusay ug kalinaw.
Lakip sa nanambong mga kadagkuan sa Bohol Police Provincial Office (BPPO), Commanding Officer, 47IB, PA, NAPOLCOM, PDEA Bohol, Peace and Order, Public and Safety Committee, Bureau of Fire Protection, Philippine Coast Guard, Bureau of Jail Management and Penology ugh National Bureau of Investigation.
Mitambong usab ang mga tinugyanan sa Provincial Prosecutor, Probation and Parole Office, Bohol Maritime Police Station, KASIMBAYANAN Coordinator, Provincial Agrarian Reform Officer, PENRO- DENR ug uban pa nga mga ahensya sa nasud, lalawigan ug lokal nga pangagamhanan.
Pipila ka mga mayor sa kalungsuran mitambong usab sa maong tigum.
Siyam ka mga importanteng hilisgutan ang gituki sa konseho sama sa Peace and Order Situation, Community and Service-oriented Policing, Barangay Drug Clearing Program Updated BIDA Program Updates, Anti-Insurgency and Counter-Terrorism Situation Report, ELCAC and ECLIP Updates.
Kabahin sa maong tigum ang pagpanumpa sa 61 ka mga kanhi rebelde nga mibalik sa sabahan sa balaod ug mga reports sa uban pang mga ahensya.
Mihatag og husay ang mga hingtungdang ahensya diin gisaw-an ang mga sensitibo nga pangutana aron paghatag og katin-awan ngadto sa mga sakop sa konseho.
Gihisgutan usab ang MOA uban sa NAPOLCOM, pasidungog sa hepe nga Yolando Bagotchay tungod sa maayong performance kampanya batok sa druga. (ALT/PIMO)
