By Marisol Bo-oc | 08:33 PM September 21, 2023
All is well that ends well.
Wala na’y mahitabong dumot tali sa tag-iya sa usa ka Korean restaurant ug kustomer human nagkapasayluay na ang duha, matud ni Panglao Mayor Boy Arcay.
“Karong adlawa human sa atong gipangayo-an ug explanation letter ang korean national. Atong gipa atubang ang duha sa akong opisinahan aron mahibaw-an nato ang ilang mga kumento,” matud pa ni Arcay sa iyang Facebook post karung adlawa nga Miyerkules, Sept. 21.
“Kani nga pagpatawag aron atong mahipno ang sakto nga pama-agi. Alang sa ilang panag-abot nindot ug hapsay ang ilang panagkita balik. Matud sa among hinabi usag-usa, nangayo ug pasaylo ang tag-iya sa maong pangjitabo ug matud pa niya na misunderstanding ang maong sitwasyon ug iyang gipasigurado sa atong atubangan ug nagpasaylo-ay sa usag-usa, ” dugang ni Arcay.
Sa Facebook post sa usa ka customer nga taga Bohol, nasinati sa ikapila nga higayun ang” discrimination” sa Allre Korean restaurant nga nahimutang sa Panglao.
Pero sa Facebook post sa tag-iya sa Allre walay nahitabo nga discrimination. Wala lang matagad ang customer tungod sa ka-busy nila.
