By Ric Obedencio | 04:42 AM June 24, 2023
Ang kapolisan sa Panglao nakahakot sa P13.7 milyones nga balor sa 2.25 kilos sa illegal drugs pinaagi sa buy-bust sa barangay Danao, Panglao, Bohol pasado alas 9 ganina (June 23).
Si Roel Borja, 35, taga-barangay Tawala, gituohan nga usa ka “tigpayohot,” o “courier” sa maong druga nga nasakmit sa kapolisan pinangulohan ni PMajor Andy Corpuz.
Ang kapolisan mikosiderar ni Borja nga usa ka “high value individual,” matud sa report ni Dave Charles Responte, kasaligang reporter sa DYTR.
Si Corpuz mipasalamat sa komunidad, labina ang informant sa police, sa pagsuporta aron masumpo’ ang illegal drugs sa Bohol.
Si Mayor Boy Arcay mitambong sa inventory sa illegal nga drugas nga nakuha gikan kang Borja ug siya mi-congratulate sa kapolisan tungod sa wa’y puas nga kampanya batok sa illegal drugs.
Matud ni REsponte nga mitambong usab ang hngtungdan barangay officials ug representante sa justice department sa inventory sa illegal drugs. (rvo/with report from dcr)
