By Rey Anthony Chiu | 08:42 AM May 28, 2023
Sa unang lima ka buwan niining 2023, mikabat na sa 227 ka armas nga mobuto ang nahipos sa mga kapolisan sa Bohol atoll sa ilang gihimo nga mga kampanya gikan sa Enero ngadto sa Mayo 15.
Kini maoy gipaambit sa mga tinugyanan sa Kampo Dagohoy, nga gipangulohan ni Police Senior Superintendent Lorenzo Batuan, ubay sa kampanya pagpatunhay sa kahapsay ug kalinaw sa Bohol.
Sa taho saKampo Dagohoy, didto sa labing bag-o nga tigum sa Provincial Peace and Order Council (PPOC), Mayo 16, nabutyag nga kinatibuk-ang 134 ka mga operations batok sa illegal nga mga hinagibang mobuto ang napahigayun sa unang lima ka buwan ug 132 ka mga armas nga mobuto ang nahipos ug nakuha sa mga kapolisan.
Niini nga operation Kontra Boga, mikabat usab sa 28 ka mga tawo ang nadakpan samtang naghupot niining nahisgutan nga sagol sa mga low power ug high powered nga armas-mobuto.
Ubos sa Letter Of Instruction Kontra Boga, ang kapolisan gimanduan sa paghimo og mga agresibo nga operasyon nga magtutok sa mga wala marehistro ug wala mapalisensyahi nga mga armas nga mobuto nga gihuptan ug gitipigan sa criminal ug mga pundok nga tighimo og pagpanghulga, ug bisan gani sa mga sibilyan, ug apoil na usab niini ang mga armas nga nalisensyahan na unta apan paso na ang rehistro ug wala pa ma renew ang lisensya.
Salaing bahin, sa pagpatuman sa OperationPaln Bilang Boga, mikabat sa 94 ka police operations ang natala kanus-a ang mga kapolisan misubay sa mga tag-iyahag armas nga na paso na ang rehistro aron kini katipigan og sakto samntang glihok pa pag usab sa tag-iya ang paso nga nrehistro ug lisensya.
Dinhi usab, 94 ka mga armas ang temporary nga gitugyan sa mga tag-iya niini sa kapolisan, hangtud nga makagawas na ang rehistro ug lisensya niini.
Ang nagpabiling nga ihalas nga mga armas maoy natumbok nga babag sa hapsay ug organisado nga kampanya sa kapolisan batok sa kriminalidad.
Segun pa sa mga tinubdan sa kapolisan, lapas pa sa 97% sa mga hitabo nga may nahilambigit nga armas, kini armas nga wala malisensyahi, paso na o ihalas nga armas. (RAHC/PIA-7/Bohol)
