By Ric Obedencio | 11:53 PM March 20, 2023
Mikabat sa P2 bilyones ubos sa General Appropriations Act (GAA) ning tuiga (2023) ang gigugol alang sa proyektong Loboc River Control sa paninguha ni Congw. Alexie B. Tutor.
Matud sa iyang buhatan nga ang naasoyng proyekto gihatagan sa pagtagad ug gibuboan sa dakong kantidad aron sa pagpanalipod sa mga barrio ug lungsod gikan sa baha.
Ang mosunod nga mga barangayng daplin sa dakong suba — Bagumbayan, Jimilian, Gotozon, Villaflor, Ugpang ug duha ka Timbongan — dunay pundong P225 milyones matag isa.
Ang barangay sa Candasid nagtangag sa pundong P200 milyones; ug Agape, P175 milyones alang sa samang proyekto.
Sa samang kalamboan, si Congw. Tutor nakigtagbo sa DPWH VI officials uban nil ani Assistant regional director Danny Villa, Loboc Mayr Raymond Jala, Vice-Mayor Helen Alaba, district Engr. Magiting Cruz ug ubang opisyales.
“Atong gituki ang Php 2 Billion Project sa Loboc Flood Control karong tuiga 2023. Human na kini ug bid sa DPWH Regional Office as the Implementing Agency, ngkanayon si Tutor sa fb post niya.
“Kuwang pa gyud kini ug mao nasad ato pa pundohan for 2024. But kini na project karon maka tabang na kini sa problema nato dha. Apan, kuwang pa gyud arun maka totally address the problem. On that, we are working on it,” si Tutor midugang. (rvo)
