By Helen Castaño | 03:30 PM March 02, 2023
Daghan ang nakadayeg kang Third District Board Member Nathaniel Binlod human kini nagpahiubos ug nangayog dispinsa kang ni 3rd district Rep. Alexie Besas- Tutor human nagkabangi sa minglabay nga eleksyun.
Ang pagpadayag sa dispinsa ni Binlod ngadto ni Tutor gihimo atubangan sa publiko atul sa pagsaulog sa 154th Foundation Day sa lungsod sa Carmen kagahapon, Marso 1.
Way duha-duha, gidawat ni Tutor ang pangayug dispinsa ni Binlod.
Sumala pa ni Tutor nilabay na ang election ug wala siya nagdumot kay ang pulitika lumalabay lang ug angayan lang pod nga palabyun na ang nangaging hinanakit.
Samtang si Carmen Mayor Che Toribio-Delos Reyes mingbalhin na kang Gov. Aris Aumentado. Matud ni Mayor Che nga siya andam musuporta para sa kalambuan sa Carmen ug sa probinsya sa Bohol.
Gihangyo ni Tutor na mga “mag-move on” arun padayon sa ilang kalihukan sa pagpangalagad sa katawhan.
