By Rey Anthony Chiu | 01:42 PM March 02, 2023
Dalhon sa tinabangay sa Philippine Information Agency ug sa hugpong niing Association of United Development Information Officers sa Bohol (AUDIO-Bohol), sa pagpakig-alayon sa duha pa ka ahensya sa kagamhanan ug sa mga telecommunications providers ang Subscriber Information Module (SIM) Registration pinaagi sa SIM sign-up drive, didto sa Bohol Island State University Tagb City Campus Activity Center, Marso 2, Huwebes
Kauban sa National Telecommunications Commission (NTC) ug sa Department of Information and Communications Technology (DICT), itanyag sa Smart Communications ug Globe Telecom ang mga registration booths sa BISU aron makapangrehsitro sa mga SIM sa mga estudyante ug mga sakop sa ahensya sa goberno nga nagtuyo og patabang sa pagparehistro.
Ang pagpareshitro sa mga SIM, nahasubay sa SIM Registration Act, o ang Republic Act No. 11934 ang balaod nga nagmandu sa pagparehistro sa tanang SIM Cards sa dili pa kini i-activate ug sa naghupot na og aktibong SIM cards sa prepaid man o post-paid nga matang, sa pagparehistro na sa ilang SIM cards.
Kini aron, sa makausa pa, makunhoran ang mga kalihukan nga minggamit sa cellphone SIM cards sa pagpangilad o pangpanghadlok sa mga tawo aron makasapi.
Ang SIM Registration Law nagtumong sa pagpanalipod sa mga migamit niini sa krimen gamit ang SIM, sama na sa text scams, mga pagpasapasa sa law-ay nga mga mensahe ug hulagway, pangilad gamit kunohay ang bangko, pagpakaulaw, pagpanghurat ug panghadlok ug ang pagpakatag sa sayop ug tinuis nga balita.
Sa SIM-Sign-up, gikinahanglan ang subscribers nga mohatag sa mga kasayuran aron marehistro ang ilang SIM.
Kini naglakip sa Mobile Number kauban nag serial number, tinuod nga pangalan, Adlaw nga gi-anak, kompleto nga pinuy-anan, Sex ug usa ka valid government-issued ID nga kinahanglang i-upload.
Gawas niana, kinahanglan usab ang selfie alang sa validation.
Didto sa SIM sign-up event sa BISU, may hamubo usab nga programa diin hatagan og higayon ang mga telcos sa pagpatin-aw sa mga isyu nga kasagaran nasinati sa pagparehistro, ug mismong ang kasegurohan nga luwas usab ang personal nga kasayuran nga gipaambit sa mga subscribers.
Ang pagpangrehistro, mahimo sa mga estudyante, kinsa usab giyahan aron sila na ang makatabang sa p[agpangrehitro sa uban nga mga subscribers nga wala pa kaparehistro.
Kahinumduman nga ang SIM Registration nagsugod niadtong Disymebre 27 ug matapos sa Abril, niining tuiga. (PIA-7/Bohol)
