By PR | 03:53 PM January 13, 2023

Pinaagi sa warrant of arrest nasikop sa mga otoridad sa Tagbilaran City Police Station ang usa ka high value individual sa Tagbilaran City, karung Biyernes sa kadlawn, January 13, 2023.

Giila sa otoridad ang suspek nga si Niño Melchor Adesar, 44, usa ka negosyante ug residente sa Purok 1 sa Barangay Dao, Tagbilaran City.

Matod sa mga otoridad, nasikop ang suspek mga alas 12:15 sa buntag sa hiniusang operasyon nga pinaagi sa warrant of arrest gihimo sa mga operatiba sa kapulisan sa Tagbilaran nga gidumala Col. Regie Real.

Ang maong warrant giimplementar og gi- isyu ni Judge Sisinio Virtudazo, presiding Judge sa 7th Judicial Region, Branch 4, Tagbilaran City, Bohol pinetsahan Enero 10, 2023.

Dili bailable ang piyansa sa akusado nga pasakahan sa kalapasan sa Sec. 5 ug 11, Art. II SA R.A 9165 o Comprehensive Dangerous Drugs Act of 2002.

Ang malampusong pagdakop usa ka pruweba sa padayong paningkamot sa mga otoridad nga masikop ang tanang personalidad nga nagpaluyo sa illegal drug trade.

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.

%d bloggers like this: